«تۋعان ەلگە تاعزىم» ولكەتانۋ-زەرتتەۋ ەكسپەديتسياسى ءساتتى ءوتتى. اۋقىمدى جوبا ەلىمىزدىڭ بارلىق نازارباەۆ زياتكەرلىك مەكتەپتەرىن قامتىدى.
تالدىقورعان قالاسىنداعى NIS جاس زەرتتەۋشىلەرى جەتىسۋ وبلىسىنىڭ ۇلتتىق تاريحى مەن مادەنيەتىن، فلوراسى مەن فاۋناسىن زەرتتەۋگە كىرىستى.
م.تىنىشباەۆ اتىنداعى تاريحي-ولكەتانۋ مۇراجايى ولاردىڭ العاشقى نىسانى بولدى. مۇندا ساپاردىڭ ءبىر كۇنىندە جەتىسۋ ايماعىنىڭ بۇكىل تاريحىن كەسىپ وتۋگە بولادى.
زياتكەرلەر قۇندى جادىگەرلەرمەن جانە مۇراجاي ەكسپوزيتسيالارىمەن تانىستى. ولاردىڭ ءبىرى اندرونوۆ مادەنيەتىنىڭ ەسكەرتكىشتەرى، جارتاسقا سالىنعان سۋرەتتەر، التىن وردا داۋىرىنەن تابىلعان زاتتار، سونداي-اق جەتىسۋدىڭ كورنەكتى تۇلعالارىنىڭ جەكە زاتتارى بولىپ تابىلادى.
بۇل ەكسكۋرسيانى باقىلاۋ بارىسىندا مەن ءوزىمدى قازاقستان مەملەكەتىنىڭ قالىپتاسۋىنىڭ بارلىق ەرالارىندا بولعانداي بولدىم. ءبىز مۋزەيدە ءوز تاريحىمىزبەن، مادەنيەتىمىزبەن تەرەڭىرەك تانىسىپ قانا قويماي، زاتتاي دەرەكتەردى ءوز كوزىمىزبەن كوردىك. ءبىزدىڭ ەلىمىز تاريحىنىڭ زور ماڭىزى بار. تۇرمىس زاتتارىن، قازاق كيىز ءۇيىنىڭ ينتەرەرىن، اشەكەيلەردى، مۋزىكالىق اسپاپتاردى، باتىرلارىمىزدىڭ قارۋىن قاراستىرا وتىرىپ، حالىقتىڭ ماتەريالدىق جانە رۋحاني ءومىرىنىڭ بايلىعىن تۇسىنەسىڭ، - دەيدى 11-ىنىپ وقۋشىسى توميريس راقىمباي.
تەكەلى قالاسىنداعى قورا شاتقالىنىڭ قاقپاسىنداعى "بۋددا" ستەللاسى ەكسپەديتسياسىنىڭ جاس زەرتتەۋشىلەرىن ءتانتى ەتتى.
بۋددا تاسى جەردەن ءۇش مەترگە كوتەرىلەدى. پيراميدا ءتارىزدى ستەللادا بۋدديستتىك بەينەلەر بەينەلەنگەن. ولاردىڭ بىرىندە جانۋاردىڭ باسى ايداھارعا ۇقسايدى، ال دەنەسى ارىستانعا ۇقسايدى. سونىمەن قاتار، ستەللانىڭ جوعارعى جاعىندا كەيبىر زەرتتەۋشىلەر قالماق حاتىمەن جازىلعان التى تاڭبالى فورمۋلا دەپ تۇسىندىرەتىن جازۋلار بار.
ودان ءارى جاس ەكسپەديتورلاردىڭ جولى قورا وزەنىنىڭ وڭ جاعالاۋىندا جالعاستى، وندا زياتكەرلەر فلورا، فاۋنا جانە الاتاۋ تاۋلارىنىڭ پايدا بولۋ تاريحى بويىنشا زەرتتەۋ ماتەريالدارىن جيناۋمەن اينالىستى.
گەس1-گەس2 گيدروەلەكتروستانتسياسىنا ساياحات بالالار ءۇشىن وتە تانىمدى بولدى. 11 - سىنىپ وقۋشىسى الىشەر بەكمۋستافاەۆ قورا وزەنىنەن گەس-كە دەيىن جانە ودان كەيىن اۋىز سۋ سىناما ماتەريالدارىن الدى. الىشەر تەكەلى قالاسى سۋىنىڭ ساپاسىن، جاعدايىن زەرتتەۋدى جوسپارلاپ وتىر.
بۇگىن، مەن تەكەلى تاۋلارىنىڭ ءبىزدىڭ ەلىمىزگە تاريحي جانە ەكونوميكالىق ماڭىزىن ءتۇسىندىم. ول جەردە، بىلگەنىمشە، كوپ قانداستارمىز شەكارانى ءوتىپ، وزەدىرىنىڭ ارتىنان ناعىز تاريحي قازىنالار قالدىرعان، سونى مەن قاتار، بۇل ءبىزدىڭ جەرىمىزدەگى بۇكىل تاريحي وقيعالاردىڭ ناعىز دالەلدەردى بولىپ تابىلادى، - دەيدى جاس زەرتتەۋشى مەيىر جۇماباي.
ەكسپەديتسيا باعدارلاماسى بويىنشا ۇلى وتان سوعىسى ارداگەرلەرى ساياباعىندا ەكولوگيالىق سەنبىلىك تە ۇيىمداستىرىلدى. بالالار ساياباقتىڭ جاسىل ايماقتارىن، سۋ قويمالارىن تازارتتى. سونىمەن قاتار بۇل جەردە وقۋشىلار "شاتىرلاردى ورناتۋ جانە جيناۋ" تۋريستىك ساباعىن ءوتتى.
ەكسپەديتسيانىڭ كەلەسى پۋنكتى الماتى وبلىسى كاسىپكەرلەر پالاتاسى ورتالىعىندا بولدى. مۇندا بالالار كاسىپكەرلىك نەگىزدەرى بويىنشا بيزنەس-ترەنينگ ءوتتى.
ەسىك قالاسىنداعى تاريحي-مادەني مۇراجايعا، ەسىك كولىنە ەكسكۋرسيا، "شەت باي" تاۋ ءماسسيۆىنىڭ فلوراسى مەن فاۋناسىمەن، تۇرگەن شاتقالىنىڭ "مەدۆەجي" سارقىراماسىمەن تانىسۋ "تۋعان ەلگە تاعزىم" ولكەتانۋ-زەرتتەۋ ەكسپەديتسياسىنىڭ بارلىق قاتىسۋشىلارىنا كوپتەگەن ەموتسيالار، ءبىلىم، تاجىريبە سىيلادى.
«تۋعان ەلگە تاعزىم» - بۇل ەكسپەديتسياعانا ەمەس، بۇل ءومىر مەكتەبى. ويتكەنى، ءبىز ءبىلىمدى زەرتتەپ، تالداپ، جيناقتاپ قانا قويماي، كوماندادا بولۋدى، جاناشىرلىق تانىتۋدى، تاجىريبەمەن ءبولىسۋدى، بىرگە قۋانۋدى جانە جاڭا نارسەلەرگە تاڭدانۋدى ۇيرەنەمىز، - دەپ 11-سىنىپ وقۋشىسى ءانۋار ارداقتى ءوزىنىڭ شىنايى ەموتسياسىن ءبىلدىردى.
