Jetısu öŋırıne taǧzym!

«Tuǧan elge taǧzym» ölketanu-zertteu ekspedisiiasy sättı öttı. Auqymdy joba elımızdıŋ barlyq Nazarbaev Ziiatkerlık mektepterın qamtydy. Taldyqorǧan qalasyndaǧy NIS jas zertteuşılerı Jetısu oblysynyŋ ūlttyq tarihy men mädenietın, florasy men faunasyn zertteuge kırıstı. M.Tynyşbaev atyndaǧy tarihi-ölketanu mūrajaiy olardyŋ alǧaşqy nysany boldy. Mūnda sapardyŋ bır künınde Jetısu aimaǧynyŋ bükıl tarihyn kesıp ötuge bolady. Ziiatkerler qūndy jädıgerlermen jäne mūrajai ekspozisiialarymen tanysty. Olardyŋ bırı Andronov mädenietınıŋ eskertkışterı, jartasqa salynǧan suretter, Altyn Orda däuırınen tabylǧan zattar, sondai-aq Jetısudyŋ körnektı tūlǧalarynyŋ jeke zattary bolyp tabylady.

Būl ekskursiiany baqylau barysynda men özımdı Qazaqstan memleketınıŋ qalyptasuynyŋ barlyq eralarynda bolǧandai boldym. Bız muzeide öz tarihymyzben, mädenietımızben tereŋırek tanysyp qana qoimai, zattai derekterdı öz közımızben kördık. Bızdıŋ elımız tarihynyŋ zor maŋyzy bar. Tūrmys zattaryn, qazaq kiız üiınıŋ intererın, äşekeilerdı, muzykalyq aspaptardy, batyrlarymyzdyŋ qaruyn qarastyra otyryp, halyqtyŋ materialdyq jäne ruhani ömırınıŋ bailyǧyn tüsınesıŋ, - deidı 11-ynyp oquşysy Tomiris Raqymbai.

Tekelı qalasyndaǧy Qora şatqalynyŋ qaqpasyndaǧy "Budda" stellasy ekspedisiiasynyŋ jas zertteuşılerın täntı ettı. Budda tasy jerden üş metrge köterıledı. Piramida tärızdı stellada buddisttık beineler beinelengen. Olardyŋ bırınde januardyŋ basy aidaharǧa ūqsaidy, al denesı arystanǧa ūqsaidy. Sonymen qatar, stellanyŋ joǧarǧy jaǧynda keibır zertteuşıler qalmaq hatymen jazylǧan alty taŋbaly formula dep tüsındıretın jazular bar. Odan ärı jas ekspeditorlardyŋ joly Qora özenınıŋ oŋ jaǧalauynda jalǧasty, onda ziiatkerler flora, fauna jäne Alatau taularynyŋ paida bolu tarihy boiynşa zertteu materialdaryn jinaumen ainalysty. GES1-GES2 gidroelektrostansiiasyna saiahat balalar üşın öte tanymdy boldy. 11 - synyp oquşysy Älışer Bekmustafaev qora özenınen GES-ke deiın jäne odan keiın auyz su synama materialdaryn aldy. Älışer Tekelı qalasy suynyŋ sapasyn, jaǧdaiyn zertteudı josparlap otyr.

Bügın, men Tekelı taularynyŋ bızdıŋ elımızge tarihi jäne ekonomikalyq maŋyzyn tüsındım. Ol jerde, bılgenımşe, köp qandastarmyz şekarany ötıp, özedırınıŋ artynan naǧyz tarihi qazynalar qaldyrǧan, sony men qatar, būl bızdıŋ jerımızdegı bükıl tarihi oqiǧalardyŋ naǧyz dälelderdı bolyp tabylady, - deidı jas zertteuşı Meiır Jūmabai.

Ekspedisiia baǧdarlamasy boiynşa Ūly Otan soǧysy ardagerlerı saiabaǧynda ekologiialyq senbılık te ūiymdastyryldy. Balalar saiabaqtyŋ jasyl aimaqtaryn, su qoimalaryn tazartty. Sonymen qatar būl jerde oquşylar "Şatyrlardy ornatu jäne jinau" turistık sabaǧyn öttı. Ekspedisiianyŋ kelesı punktı Almaty oblysy Käsıpkerler palatasy ortalyǧynda boldy. Mūnda balalar käsıpkerlık negızderı boiynşa biznes-trening öttı. Esık qalasyndaǧy tarihi-mädeni mūrajaiǧa, Esık kölıne ekskursiia, "Şet bai" tau massivınıŋ florasy men faunasymen, Türgen şatqalynyŋ "Medvejii" sarqyramasymen tanysu "Tuǧan elge taǧzym" ölketanu-zertteu ekspedisiiasynyŋ barlyq qatysuşylaryna köptegen emosiialar, bılım, täjıribe syilady.

«Tuǧan elge taǧzym» - būl ekspedisiiaǧana emes, būl ömır mektebı. Öitkenı, bız bılımdı zerttep, taldap, jinaqtap qana qoimai, komandada boludy, janaşyrlyq tanytudy, täjıribemen bölısudı, bırge quanudy jäne jaŋa närselerge taŋdanudy üirenemız, - dep 11-synyp oquşysy Änuar Ardaqty özınıŋ şynaiy emosiiasyn bıldırdı.