قازاقستاندىق فايتەر شاۆكات راحمونوۆ (15-0) UFC-دەگى ءتورتىنشى جەكپە-جەگىن وتكىزىپ، جەڭىسكە جەتتى دەپ حابارلايدى قازاقپارات.
ول لاس-ۆەگاستا (اقش) وتكەن UFC on ESPN 38 تۋرنيرىندە قارسىلاسى امەريكالىق جەكپە-جەك شەبەرى نيل مەگنيدى (26-8) جەڭدى.
ءبىرىنشى راۋندتا راحمونوۆ قارسىلاسىنا كوبىرەك سوققى جاسادى. ەكىنشى راۋندتا دا قازاقستاندىق شابۋىلىن توقتاتپادى، ال راۋند اياقتالۋىنا ءۇش سەكۋند قالعاندا قارسىلاسىن قىلقىندىرۋ ادىسىمەن جەڭدى.
وسىلايشا، راحمونوۆ UFC-دەگى ءتورت جەكپە-جەگىندە دە جەڭىسكە جەتتى. ال مەنگي UFC-دە 27-رەت وكتگونعا شىعىپ، سەگىزىنشى رەت جەڭىلىپ وتىر.
“ادىرنا” ۇلتتىق پورتالى
