ءبىزدىڭ قوعامدى داڭعازالىق، تويشىلدىق، شامادان تىس داراقىلىق جايلاپ الدى. بىرىمەن ءبىرى جارىسىپ ات شاپتىرىپ توي جاساۋ، سول ءبىر عانا توي ءۇشىن بالەنباي سوماعا شاشىلۋ باسىم.
50-60-70 جاستى مەرەيتوي ەتىپ تويلاۋدىڭ قاجەتى قانشا؟
مۇنىڭ قوعامعا پايداسى بار ما؟
بىرەۋدىڭ مەرەيتويىنىڭ تويلانعانىنان ۇلتتىڭ مارتەبەسى ارتا ما؟ ءتىپتى وسىنداي داراقى تويلاردان قالىسپايمىز دەپ قايسىبىر اعايىن قارىزدانىپ قاۋعالانىپ توي جاسايدى. مۇندايدان تىيىلاتىن كەز الدەقاشان ءوتتى.
قازىر توي تويلاپ «الەۋلەيتىن» زامان ەمەس. قازىر اقپاراتتىق تەحنولوگيالىق دامۋ عاسىرى. وزگە ەلدەر وسى كوشتەن قالىسپاۋى ءۇشىن عىلىم-ءبىلىمىن، مادەنيەتىن، ەكونوميكاسىن جەتىلدىرىپ الەك. ءبىز ءالى توي-تويلاۋدىڭ اينالاسىندا ءجۇرمىز.
تورەگەلدى شارمانوۆ
