8 جاسار قىزىن 3 جىل بويى زورلاعان اكە 22 جىلعا سوتتالۋى مۇمكىن

2649
Adyrna.kz Telegram

تۇركىستان وبلىسىندا 8 جاسار قىزدىڭ زورلانۋىنا قاتىستى قىلمىستىق ءىستى تەرگەۋ بارىسىندا جانتۇرشىگەرلىك جاڭا مالىمەتتەر انىقتالدى. بەلگىلى بولعانداي، وگەي اكە قىزىنا ءۇش جىل بويى ءتيىسىپ قانا قويماي، وسىنشا ۋاقىت زورلاپ كەلگەن. بۇل تۋرالى تۇركىستان قالاسىنىڭ مامانداندىرىلعان اۋدانارالىق سوتىندا وتكەن سوت وتىرىسىندا بەلگىلى بولدى. مەملەكەتتىك ايىپتاۋشى ازعىن اكەگە 22 جىل جازا تاعايىنداۋدى سۇرادى، دەپ حابارلايدى ء“ادىرنا”تىلشىسى «وتىرارعا» سىلتەمە جاساپ.

«ايىپتاۋ قورىتىندىسىنا سايكەس، ايىپتالۋشى كىشكەنتاي قىزىن 2019 جىلدىڭ جاڭا جىلىنان باستاپ زورلاپ كەلگەن. ياعني، العاشقى زورلىق جاڭا جىل كۇنى بولعان. ءسويتىپ كىشكەنتاي قىز ءۇش جىل بويىنا زورلىق كورىپ كەلگەن. پروكۋرور ونى قر قىلمىستىق كودەكسىنىڭ ەكى بابى بويىنشا كىنالى دەپ تاۋىپ، جيىنتىعى 22 جىلعا باس بوستاندىعىنان ايىرۋدى سۇرادى»، - دەدى وبلىستىق سوتتىڭ قىلمىستىق ىستەر جونىندەگى توراعاسىنىڭ مىندەتىن ۋاقىتشا اتقارۋشى داۋرەن ماداليەۆ.

ەسكە سالساق، تۇركىستان وبلىسى شۇبارسۋ اۋىلىندا وگەي اكەسى 8 جاسار وگەي قىزىن زورلاپ، ارتىنشا قىزدى قانسىراعان كۇيدە مەكتەپكە جىبەرگەن. جانتۇرشىگەرلىك زورلىق-زومبىلىقتان كەيىن قىز بالاعا ەكى رەت وتا جاسالىپ، اقىر سوڭىندا ونىڭ جاتىرى الىنىپ تاستالدى.

اتىشۋلى ءىس بويىنشا ۇكىم كەلەسى اپتادا بەلگىلى بولادى.

پىكىرلەر