قازاقستاندا قازان ايىنان باستاپ ورال پوپۋلياتسياسىنا جاتاتىن 80 مىڭ كيىكتى اتۋعا رۇقسات بەرىلمەك. بۇل تۋرالى ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ مالىمدەدى، دەپ جازادى "ادىرنا" ۇلتتىق پورتالى.
«بيوتەحنيكالىق-ەكونوميكالىق نەگىزدەمە اياقتالدى. عالىمدار كيىكتەردىڭ سانىن رەتتەۋ قاجەتتىگىن ايتتى. بۇل ورال پوپۋلياتسياسىنا قاتىستى بولماق. ەگەر قازىر ونداعى كيىكتەردىڭ سانى 800 مىڭنان باس بولسا، وندا ولاردىڭ 10%-عا جۋىعى ياعني، 80 مىڭ باس كيىك اتىلادى»، – دەدى مينيستر.
ونىڭ مالىمدەۋىنشە، ەلىمىزدە كيىك سانى 1 ملن 300 مىڭعا جەتتى. سونىڭ ىشىنەن عىلىمي زەرتتەۋلەرگە 500 باس كيىك الىنىپ، كيىكتەردىڭ 10%-ىن اتۋ شارالارى 1 قازاننان باستالماق.
"ادىرنا" ۇلتتىق پورتالى