قازاقستان قىتايدىڭ مەملەكەتتىك جانە قارجىلىق ۇيىمدارىنان تارتقان سىرتقى قارىزدارىن جاپتى
استانا، 2 شىلدە – Sputnik. 2018 جىلعى ءبىرىنشى توقسانىندا قازاقستاننىڭ سىرتقى قارىزى 0,8 ميلليارد اقش دوللارىنا قىسقارىپ، 166,6 ميلليارد اقش دوللارىن قۇرادى، دەپ حابارلادى ۇلتتىق بانكتىڭ ءباسپاسوز قىزمەتى.
"قارىزدىڭ ازايۋىنا قىتايدىڭ مەملەكەتتىك جانە قارجىلىق ۇيىمدارىنان تارتىلعان سىرتقى قارىزداردىڭ وتەلۋى، سونداي-اق قازاقستاندىق ەميتەنتتەردىڭ بورىشتىق باعالى قاعازدارىنىڭ نارىقتىق قۇنىنىڭ تومەندەۋى جانە سونىڭ سالدارىنان ولارعا سۇرانىستىڭ قۇلدىراۋى سەبەپ بولدى", — دەپ جازىلعان حابارلامادا.
بەيرەزيدەنتتەردىڭ قولدارىنداعى ۇلتتىق بانكتىڭ 1,4 ميللارد اقش دوللارىنا تەڭ قىسقا مەرزىمدى نوتتارى وسى كەزەڭ ىشىندە 3 ەسەدەن استام ۇلعايدى.
2018 جىلدىڭ 1 ساۋىرىندە 27,1 ميلليارد اقش دوللارىن قۇراعان مەملەكەت باقىلايتىن ۇيىمداردىڭ سىرتقى بورىشى (بانكتەر مەن مەملەكەتتىك سەكتور كاپيتالىنا 50%-دان استام تىكەلەي نەمەسە جاناما قاتىساتىن ۇيىمدار) جەكە قاراستىرىلادى. 2018 جىلدىڭ ءبىرىنشى توقسانىندا شەتەلدىك ەنشىلەس ۇيىمداردان الىناتىن سىرتقى قارىزداردى يگەرۋدى جالعاستىرۋ ەسەبىنەن قىتاي بانكتەرى الدىنداعى كرەديتتەر مەرزىمىنەن بۇرىن وتەلدى، سونداي-اق كۆازيمەملەكەتتىك ەميتەنتتەر ەۋرووبليگاتسيالارىنىڭ نارىقتىق قۇنى تومەندەدى، سونىڭ ارقاسىندا قارىز 0,3 ميلليارد دوللارعا ازايدى.
