قازاقستانعا قىتايدان اكەلىنەتىن كيىم كولەمى بيىل ايتارلىقتاي ازايدى. ءبىرىنشى كرەديتتىك بيۋرونىڭ مالىمەتىنشە، 2024 جىلدىڭ قاڭتار-قىركۇيەك ايلارىندا ەلگە 35,6 مىڭ توننا كيىم يمپورتتالعان، دەپ حابارلايدى "ادىرنا".
بۇل وتكەن جىلدىڭ سايكەس كەزەڭىمەن سالىستىرعاندا 49%-عا تومەن كورسەتكىش. بۇدان دا تومەن دەڭگەي سوڭعى رەت 2020 جىلى تىركەلگەن.
ساراپشىلار قىتايدان كەلەتىن كيىم يمپورتىنىڭ ەكىنشى جىل قاتارىنان قىسقارىپ جاتقانىن اتاپ ءوتتى. ال وعان دەيىنگى بەس جىلدا – 2019–2023 جىلدار ارالىعىندا – بۇل كورسەتكىش تۇراقتى ءوسىپ وتىرعان.
سوعان قاراماستان، قىتاي قازاقستانعا كيىم جەتكىزەتىن ەڭ ءىرى شەتەلدىك سەرىكتەس مارتەبەسىن ساقتاپ كەلەدى. جالپى يمپورتتىڭ 39%-ى وسى ەلدىڭ ۇلەسىندە.
يمپورت كولەمىنىڭ تومەندەۋى تۇركيا تاراپىنان دا بايقالادى. بۇل ەلدەن اكەلىنەتىن كيىم مولشەرى ءبىر جىل ىشىندە 31%-عا ازايىپ، 8,2 مىڭ تونناعا تۇسكەن.
سونىمەن بىرگە، كەيبىر باعىتتار بويىنشا ءوسىم تىركەلدى. اتاپ ايتقاندا، رەسەيدەن كەلەتىن كيىم يمپورتى 13%-عا، بانگلادەشتەن جەتكىزىلىمدەر 20%-عا ارتقان.
مامانداردىڭ ايتۋىنشا، نارىقتاعى بۇل وزگەرىستەر سىرتقى ەكونوميكالىق جاعدايلار مەن لوگيستيكالىق فاكتورلار اسەرىنەن قالىپتاسىپ وتىر.
