بۇگىن، 27 مامىر كۇنى قىتايدىڭ شىعىسىنداعى شاندۋن پروۆينتسياسىندا ورنالاسقان حيميالىق زاۋىتتا كۇشتى جارىلىس بولدى. قازىرگى تاڭدا ادام شىعىنى تۋرالى اقپارات تۇسكەن جوق. بۇل تۋرالى Associated Press جاريالادى، دەپ حابارلايدى “ادىرنا.
جارىلىس تۇسكە دەيىنگى ۋاقىتتا Shandong Youdao Chemical زاۋىتىنىڭ ءبىر تسەحىندا بولعان. وقيعادان كەيىن توتەنشە جاعداي قىزمەتتەرى قۇتقارۋ جۇمىستارىن باستاپ كەتتى. جەرگىلىكتى تۇرعىنداردىڭ ايتۋىنشا، جارىلىستىڭ ءدۇمپۋى سەزىلگەن.
جارىلىستىڭ سەبەبى ازىرگە ناقتىلانباعان. الەۋمەتتىك جەلىلەردە جاريالانعان ۆيدەولاردا اسپانعا كوتەرىلگەن قالىڭ ءتۇتىن مەن كورشى ۇيلەردىڭ تەرەزەلەرىنىڭ سىنعانى بايقالادى.
وقيعا ورنىنا 55 تەحنيكا مەن 232 ءورت ءسوندىرۋ-قۇتقارۋ قىزمەتكەرى جۇمىلدىرىلعان. سونىمەن قاتار، قىتايدىڭ توتەنشە جاعدايلار مينيسترلىگى ارنايى كوميسسيا مەن قوسىمشا بولىمشەلەردى كومەككە جىبەرگەنى رەسمي حابارلامادا ايتىلعان.
وقيعا ورنىنان شامامەن 3,5 شاقىرىم قاشىقتىقتاعى قوناقۇي قىزمەتكەرى جارىلىستى تۇسكە تاياۋ ەستىگەنىن ايتقان.
