Bügın, 27 mamyr künı Qytaidyŋ şyǧysyndaǧy Şandun provinsiiasynda ornalasqan himiialyq zauytta küştı jarylys boldy. Qazırgı taŋda adam şyǧyny turaly aqparat tüsken joq. Būl turaly Associated Press jariialady, dep habarlaidy “Adyrna.
Jarylys tüske deiıngı uaqytta Shandong Youdao Chemical zauytynyŋ bır sehynda bolǧan. Oqiǧadan keiın tötenşe jaǧdai qyzmetterı qūtqaru jūmystaryn bastap kettı. Jergılıktı tūrǧyndardyŋ aituynşa, jarylystyŋ dümpuı sezılgen.
Jarylystyŋ sebebı äzırge naqtylanbaǧan. Äleumettık jelılerde jariialanǧan videolarda aspanǧa köterılgen qalyŋ tütın men körşı üilerdıŋ terezelerınıŋ synǧany baiqalady.
Oqiǧa ornyna 55 tehnika men 232 ört söndıru-qūtqaru qyzmetkerı jūmyldyrylǧan. Sonymen qatar, Qytaidyŋ Tötenşe jaǧdailar ministrlıgı arnaiy komissiia men qosymşa bölımşelerdı kömekke jıbergenı resmi habarlamada aitylǧan.
Oqiǧa ornynan şamamen 3,5 şaqyrym qaşyqtyqtaǧy qonaqüi qyzmetkerı jarylysty tüske taiau estıgenın aitqan.
