اشحابادتاعى اۋرۋحانالاردا اپتاپ ىستىقتان زارداپ شەككەندەرگە ورىن بوساتۋ ءۇشىن ەمى بىتۋگە تاياۋ قالعان ناۋقاستاردان ەمدى ۇيدە اياقتاۋدى سۇراۋدا، دەپ حابارلايدى «حرونيكا تۇركىمەنستان» باسىلىمى.
28-29 ماۋسىمدا ەكس-پرەزيدەنت، تۇرىكمەننىڭ ماڭدايىنا قۇداي بەرگەن اركاداگى گۋربانگۋلى بەردىمۇحامەدوۆتىڭ مەرەيتويىنا بايلانىستى بۇقارالىق ءىس-شارالارعا قاتىسقان جۇزدەگەن ستۋدەنتتەر، مەملەكەتتىك مەكەمە قىزمەتكەرلەرى، ارتىستەر مەن مۋزىكانتتار اپاتاپ ىستىقتان اۋرۋحانادان بىراق شىققان. ولاردىڭ جاعدايى ورتا جانە اۋىر دەپ ايتىلۋدا.
بەزمەين اۋدانىندا جانە اشحاباد ماڭىنداعى اق كيىز ۇيدە (28 جانە 29-ىندا شەتەلدىك جۇلدىزداردىڭ قاتىسۋىمەن كونتسەرتتەر بولعان جەرلەر) ىستىقتان قۇلاعان جۇرتتى تاسۋعا جەدەل جاردەم كولىكتەرى ۇلگەرمەگەن.
بۇل كۇندەرى اۋا تەمپەراتۋراسى 47 گرادۋس، كەيبىر وڭىرلەردە ءتىپتى 48,5 گرادۋسقا دەيىن كوتەرىلگەنىنە قاراماستان، بيلىك ەلوردادا دا، ايماقتاردا دا جاپپاي شارالاردى توقتاتپاعان. الەمدىك باق تۇركىمەنستاننىڭ وسى داڭعازالىعىنا تاڭداي قاعىپ، باس شايقاپ جاتىر.
قازاقستاندا دا كۇن كۇيىپ تۇر. التىنشى شىلدەگە دە 3-4 كۇن قالدى. ايتەۋىر نازارباەۆتىڭ تۋعان كۇنىن تويلاۋعا اقوردا تىيىم سالعانى قانداي جاقسى بولدى. ايتپەسە، "بالاپانىنداي باپتاعان", "نۇح پايعامبارداي حالقىنا جاقسىلىق جاساعان", "قازاق تاريحىنداعى 128 حان-سۇلتان جاساماعان ءىستى ءبىر ءوزى جاساعان", "شەكارامىزدى بەكىتىپ", "مەملەكەتتى ءوزى قۇرعان" نازارباەۆتىڭ تۋعان كۇنى دەپ مىنا اپتاپ ىستىقتا ءبىز دە شەتىمىزدەن تالىپ جاتار ما ەدىك؟
