Aşhabadtaǧy auruhanalarda aptap ystyqtan zardap şekkenderge oryn bosatu üşın emı bıtuge taiau qalǧan nauqastardan emdı üide aiaqtaudy sūrauda, dep habarlaidy «Hronika Türkımenstan» basylymy.
28-29 mausymda eks-prezident, türıkmennıŋ maŋdaiyna Qūdai bergen Arkadagy Gurbanguly Berdımūhamedovtyŋ mereitoiyna bailanysty būqaralyq ıs-şaralarǧa qatysqan jüzdegen studentter, memlekettık mekeme qyzmetkerlerı, ärtıster men muzykanttar apatap ystyqtan auruhanadan bıraq şyqqan. Olardyŋ jaǧdaiy orta jäne auyr dep aityluda.
Bezmein audanynda jäne Aşhabad maŋyndaǧy Aq kiız üide (28 jäne 29-ynda şeteldık jūldyzdardyŋ qatysuymen konsertter bolǧan jerler) ystyqtan qūlaǧan jūrtty tasuǧa jedel järdem kölıkterı ülgermegen. Būl künderı aua temperaturasy 47 gradus, keibır öŋırlerde tıptı 48,5 gradusqa deiın köterılgenıne qaramastan, bilık elordada da, aimaqtarda da jappai şaralardy toqtatpaǧan. Älemdık BAQ Türkımenstannyŋ osy daŋǧazalyǧyna taŋdai qaǧyp, bas şaiqap jatyr.Qazaqstanda da kün küiıp tūr. Altynşy şıldege de 3-4 kün qaldy. Äiteuır Nazarbaevtyŋ tuǧan künın toilauǧa Aqorda tyiym salǧany qandai jaqsy boldy. Äitpese, "balapanyndai baptaǧan", "Nūh paiǧambardai halqyna jaqsylyq jasaǧan", "qazaq tarihyndaǧy 128 han-sūltan jasamaǧan ıstı bır özı jasaǧan", "şekaramyzdy bekıtıp", "memlekettı özı qūrǧan" Nazarbaevtyŋ tuǧan künı dep myna aptap ystyqta bız de şetımızden talyp jatar ma edık?
