بولات جامىشەۆ «سامۇرىق-قازىنا» ديرەكتورلار كەڭەسىنىڭ قۇرامىنا كىردى

1756

«سامۇرىق-قازىنا» ۇلتتىق ءال-اۋقات قورى» اق قوعامدىق كەڭەسىنىڭ توراعاسى بولات جامىشەۆ ديرەكتورلار كەڭەسىنىڭ مۇشەسى، قوردىڭ تاۋەلسىز ديرەكتورى بولىپ سايلاندى، دەپ حابارلايدى "ادىرنا" ۇلتتىق پورتالى. بۇل تۋرالى قوردىڭ ءباسپاسوز قىزمەتى حابارلادى.

"قوعامدىق كەڭەس باسشىسىن ديرەكتورلار كەڭەسىنىڭ قۇرامىنا ەنگىزۋ - «سامۇرىق-قازىنا» قورىنىڭ قىزمەتىنە باقىلاۋدى كۇشەيتۋ باعدارلاماسىنىڭ ءبىر بولىگى. «سامۇرىق-قازىنا» اق قوعامدىق كەڭەسى 2021 جىلدىڭ جەلتوقسانىندا كانديداتتاردى اشىق كونكۋرسپەن ىرىكتەۋ ارقىلى قۇرىلدى. ونىڭ قۇرامىندا 10 ادام بار: 7 ازاماتتىق قوعام وكىلى جانە قوردىڭ 3 وكىلى. كەڭەس باس قوردىڭ، ونىڭ پورتفەلدىك كومپانيالارىنىڭ دا قىزمەتىنە قوعامدىق باقىلاۋ جۇرگىزەدى. كەڭەس مۇشەلەرىنىڭ جۇمىسى قوعامدىق باستامالار نەگىزىندە جۇزەگە اسادى. بولات جامىشەۆ قارجى ءمينيسترى، وڭىرلىك دامۋ ءمينيسترى، ۇلتتىق بانك توراعاسىنىڭ ورىنباسارى، قارجى ۇيىمدارىن رەتتەۋ جانە قاداعالاۋ اگەنتتىگىنىڭ توراعاسى، ەۋرازيالىق دامۋ بانكى باسقارما توراعاسىنىڭ ورىنباسارى قىزمەتتەرىن اتقارعان. ەكونوميكا عىلىمدارىنىڭ كانديداتى", - دەلىنگەن حابارلامادا.

"ادىرنا" ۇلتتىق پورتالى 

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket