«Samuryq-Qazyna» ulttyq ál-aýqat qory» AQ qoǵamdyq keńesiniń tóraǵasy Bolat Jámishev dırektorlar keńesiniń múshesi, qordyń táýelsiz dırektory bolyp saılandy, dep habarlaıdy "Adyrna" ulttyq portaly. Bul týraly qordyń baspasóz qyzmeti habarlady.
"Qoǵamdyq keńes basshysyn dırektorlar keńesiniń quramyna engizý - «Samuryq-Qazyna» qorynyń qyzmetine baqylaýdy kúsheıtý baǵdarlamasynyń bir bóligi. «Samuryq-Qazyna» AQ qoǵamdyq keńesi 2021 jyldyń jeltoqsanynda kandıdattardy ashyq konkýrspen irikteý arqyly quryldy. Onyń quramynda 10 adam bar: 7 azamattyq qoǵam ókili jáne qordyń 3 ókili. Keńes bas qordyń, onyń portfeldik kompanııalarynyń da qyzmetine qoǵamdyq baqylaý júrgizedi. Keńes músheleriniń jumysy qoǵamdyq bastamalar negizinde júzege asady. Bolat Jámishev Qarjy mınıstri, Óńirlik damý mınıstri, Ulttyq bank tóraǵasynyń orynbasary, Qarjy uıymdaryn retteý jáne qadaǵalaý agenttiginiń tóraǵasy, Eýrazııalyq damý banki basqarma tóraǵasynyń orynbasary qyzmetterin atqarǵan. Ekonomıka ǵylymdarynyń kandıdaty", - delingen habarlamada.
"Adyrna" ulttyq portaly
