رەسەي پرەمەر-ءمينيسترى ميحايل ميشۋستين قازاقستاننىڭ ورىس تىلىنە دەگەن ۇقىپتى كوزقاراسىن اتاپ ءوتتى. ونىڭ ايتۋىنشا، بۇل ەلدەرگە ىسكەرلىك جانە مادەني بايلانىستاردى ورناتۋعا كومەكتەسەدى، دەپ جازادى "ادىرنا" ۇلتتىق پورتالى.
"قازاقستاننىڭ رەسمي مارتەبەگە يە ورىس تىلىنە دەگەن ۇقىپتى كوزقاراسىن اتاپ وتكىم كەلەدى. بۇل ءبىزدىڭ ازاماتتارىمىزدىڭ ەركىن ارالاسۋىنا، ىسكەرلىك قارىم-قاتىناس ورناتۋعا جانە مادەنيەتارالىق بايلانىس ورناتۋعا مۇمكىندىك بەرەدى", - دەدى رەسەي پرەمەر-ءمينيسترى دۇيسەنبى كۇنى قر پرەمەر-ءمينيسترى ءاليحان سمايىلوۆپەن كەلىسسوزدەر بارىسىندا.
ميشۋستين ەكى ەلدىڭ وڭىرارالىق ءوزارا ءىس-قيمىلىنىڭ بەلسەندى دامۋىنا نازار اۋدارىپ، كۇزدە ورىنبوردا ساۋداداعى ينفراقۇرىلىمدىق شەكتەۋلەردى الىپ تاستاۋ تاقىرىبىنا ارنالعان رەسەي مەن قازاقستان وڭىرارالىق ىنتىماقتاستىعىنىڭ كەزەكتى فورۋمى وتەتىنىن ەسكە سالدى.
پرەمەر سونداي-اق، تاراپتار مادەني-گۋمانيتارلىق ءوزارا ءىس-قيمىلعا ەرەكشە ءمان بەرەتىنىن، قازاقستاندا رەسەيلىك جوعارى وقۋ ورىندارىنىڭ فيليالدارىن اشۋعا دايىندىق ءجۇرىپ جاتقانىن اتاپ ءوتتى.
سونىمەن قاتار، رف ۇكىمەتىنىڭ باسشىسى ەاەو اياسىنداعى، سونىڭ ىشىندە قارجى جانە ساۋدا سالاسىنداعى رەسەي مەن قازاقستاننىڭ كوپجاقتى بايلانىستارىن اتاپ ءوتتى.
"ادىرنا" ۇلتتىق پورتالى
