Reseı Premer-Mınıstri Mıhaıl Mıshýstın Qazaqstannyń orys tiline degen uqypty kózqarasyn atap ótti. Onyń aıtýynsha, bul elderge iskerlik jáne mádenı baılanystardy ornatýǵa kómektesedi, dep jazady "Adyrna" ulttyq portaly.
"Qazaqstannyń resmı mártebege ıe orys tiline degen uqypty kózqarasyn atap ótkim keledi. Bul bizdiń azamattarymyzdyń erkin aralasýyna, iskerlik qarym-qatynas ornatýǵa jáne mádenıetaralyq baılanys ornatýǵa múmkindik beredi", - dedi Reseı premer-mınıstri dúısenbi kúni QR Premer-Mınıstri Álıhan Smaıylovpen kelissózder barysynda.
Mıshýstın eki eldiń óńiraralyq ózara is-qımylynyń belsendi damýyna nazar aýdaryp, kúzde Orynborda saýdadaǵy ınfraqurylymdyq shekteýlerdi alyp tastaý taqyrybyna arnalǵan Reseı men Qazaqstan óńiraralyq yntymaqtastyǵynyń kezekti forýmy ótetinin eske saldy.
Premer sondaı-aq, taraptar mádenı-gýmanıtarlyq ózara is-qımylǵa erekshe mán beretinin, Qazaqstanda reseılik joǵary oqý oryndarynyń fılıaldaryn ashýǵa daıyndyq júrip jatqanyn atap ótti.
Sonymen qatar, RF Úkimetiniń basshysy EAEO aıasyndaǵy, sonyń ishinde qarjy jáne saýda salasyndaǵy Reseı men Qazaqstannyń kópjaqty baılanystaryn atap ótti.
"Adyrna" ulttyq portaly
