جۋرناليست اسحات نيازوۆ سولتۇستىك قازاقستان وبلىسىنىڭ جالتىرشا اۋىلىنا بارىپ، ۇلتتىق قوردان 700 ملن تەڭگە جۇمسالعان جول ساپاسىن كورسەتتى، دەپ جازادى "ادىرنا" ۇلتتىق پورتالى.
ول ءوزىنىڭ YouTube كانالىندا جوندەۋ جۇمىستارىنا 700 ملن تەڭگە بولىنگەن جولدىڭ قيىرشىق تاسپەن قالاي جابىلعانى تۋرالى سيۋجەت جاريالادى. جەرگىلىكتى تۇرعىندار وسىعان بايلانىستى اكىمدىك پەن باس پروكۋراتۋراعا بىرنەشە رەت شاعىم تۇسىرگەنىمەن، ناتيجە بولمادى. جول جوندەۋ جۇمىستارى وتكەن جىلدان بەرى جۇرگىزىلىپ كەلەدى. جۇمىس تامىز ايىندا اياقتالۋى كەرەك ەدى، بىراق كوزبەن قاراعاننىڭ وزىندە جوندەۋ مەرزىمىنىڭ ءالى اياقتالار ءتۇرى جوق.
ايتا كەتەرلىك ءجايت، "نورد جولدارى" جشس – سولتۇستىك قازاقستان وبلىسىنداعى جول جۇمىستارى بويىنشا نەگىزگى مەردىگەر. Kompra مالىمەتتەرى بويىنشا، اتالمىش جشس قۇرىلتايشىسى - اكەسى، ال ديرەكتورى – پوگوسياننىڭ ۇلى. قيىرشىق تاس توسەلگەن جولدى ورتاشا جوندەۋ ءۇشىن اۋدان اكىمدىگى 1,2 ملرد تەڭگە تولەۋگە دايىن بولدى، ناتيجەسىندە مەملەكەتتىك ساتىپ الۋ سوماسى 700 ملن تەڭگەگە شىقتى. مىنە، بولاشاق ۇرپاقتىڭ نەسىبەسى وسىلاي جۇمسالىپ جاتىر...
"ادىرنا" ۇلتتىق پورتالى
