قازاقستاننىڭ شەتتەگى اقشالارى قايتارىلا باستادى! ليۋكسەمبۋرگتەن "قازاقتەلەكوم", "كولىككە قىزمەت كورسەتۋ ورتالىعى" جانە ت.ب كومپانيالاردان 36 ميلليارد تەڭگە قايتارىلدى. بۇنىڭ ءبارى قايرات ساتىبالدى مەن قايرات بورانباەۆقا قاتىستى كومپانيالار ەكەن.
تەرگەۋ ورگاندارىنا سوتتالۋشىلار 170 ميلليون دوللاردى ءوز ەركىمەن قايتارعان. قازاقستاندى مايشەلپەك قىلعان وليگارحتاردى دا قۇستىرۋ كەرەك. قازاقتىڭ بايلىعىن اتاسىنان قالعان مۇراداي توناعان ماشكەەۆيچ باستاعان ەۋرازيالىق توپتى دا تەكسەرسە دەيمىن. قايرات ساتىبالدى، گۇلميرا ساتىبالدى مەن قايرات بورانباەۆتىڭ ءىسى شەتەلگە اقشا تىعۋ ءىسى بويىنشا ەرەكشە باقىلاۋدا ءوتىپ جاتىر. سوندىقتان كوپ نارسەنىڭ اشىپ ايتىلمايتىنىن ەسكەرسەك، بولاشاقتا قايتارىلاتىن ميللياردتاردىڭ سانى دا وسە تۇسپەك.
قازاقستان سوتى رەسەي اسىپ قاشىپ كەتكەن "ازيا اۆتونىڭ" قوجايىنى بالۋشكيننىڭ 77 جىلجىمايتىن مۇلىگىن كامپەسكەلەدى. قۇداي-اۋ، شىعىستاعى "راحمان قاينارلارى"," پورت فورتۋنا", "نۇرتاۋ" دەمالىس ايماقتارى كەلىمسەكتىڭ مەنشىگىنە قالاي ءوتىپ كەتكەن؟
قۇزىرلى ورگاندار ايعا باتا جاساپ وتىرعان با؟
وتىز جىل بويى ءبىر مەملەكەتتى جەكەمەنشىك يپ-سىنداي كورگەندەر ويىنا كەلگەنىن ىستەگەن ەكەن.
