Qazaqstannyŋ şettegı aqşalary qaitaryla bastady! Liuksemburgten "Qazaqtelekom", "Kölıkke qyzmet körsetu ortalyǧy" jäne t.b kompaniialardan 36 milliard teŋge qaitaryldy. Būnyŋ bärı Qairat Satybaldy men Qairat Boranbaevqa qatysty kompaniialar eken.
Tergeu organdaryna sottaluşylar 170 million dollardy öz erkımen qaitarǧan. Qazaqstandy maişelpek qylǧan oligarhtardy da qūstyru kerek. Qazaqtyŋ bailyǧyn atasynan qalǧan mūradai tonaǧan Maşkeevich bastaǧan euraziialyq topty da tekserse deimın. Qairat Satybaldy, Gülmira Satybaldy men Qairat Boranbaevtyŋ ısı şetelge aqşa tyǧu ısı boiynşa erekşe baqylauda ötıp jatyr. Sondyqtan köp närsenıŋ aşyp aitylmaitynyn eskersek, bolaşaqta qaitarylatyn milliardtardyŋ sany da öse tüspek. Qazaqstan soty Resei asyp qaşyp ketken "Aziia avtonyŋ" qojaiyny Baluşkinnıŋ 77 jyljymaityn mülıgın kämpeskeledı. Qūdai-au, şyǧystaǧy "Rahman qainarlary"," Port Fortuna", "Nūrtau" demalys aimaqtary kelımsektıŋ menşıgıne qalai ötıp ketken? Qūzyrly organdar Aiǧa bata jasap otyrǧan ba? Otyz jyl boiy bır memlekettı jekemenşık İP-syndai körgender oiyna kelgenın ıstegen eken.
