اقتاۋدا UFC-ءدىڭ ەكس-چەمپيونى حابيب نۋرماگومەدوۆ ءۇشىن پوليتسەيدى يتەرىپ جىبەرگەن ادامنىڭ ەسىمى بەلگىلى بولدى، دەپ جازادى "ادىرنا" ۇلتتىق پورتالى.
"حالىق ءۇنى" باسىلىمىنىڭ حابارلاۋىنشا، ول اتىراۋ وبلىستىق سامبو فەدەراتسياسىنىڭ پرەزيدەنتى ارمان توعاەۆ بولىپ شىقتى.
ارمان – اتىراۋدىڭ تۋماسى. ول بۇرىن ەكى مارتە قىلمىستىق جاۋاپكەرشىلىككە تارتىلعان. ارمان توعاەۆ ارمان جۇماگەلديەۆتىڭ («ديكي ارمان») باتىس قازاقستانداعى «وڭ قولى» سانالادى. «ەكەۋىنىڭ باسىن بىرىكتىرىپ تۇرعان ءسالافيزم يدەولوگياسى»، – دەگەن دەرەك بار.
اقتاۋ قالاسىندا اراسىندا حابيب نۋرماگومەدوۆ بار باس ءمۇفتي باستاعان كىشى قاجىلىق جاساۋشى توپتى ارمان توعاەۆ قارسى العاندا ول پوليتسەيدى يتەرىپ جىبەرگەن ەدى. وسى وقيعا الەۋمەتتىك جەلىدە تارالعاندا جەرگىلىكتى ادامداردىڭ ءتارتىپ ساقشىسىن ءپۋتيندى قولدايتىن رەسەيلىك ازامات ءۇشىن يتەرىپ جىبەرگەنى سىنعا ۇشىراعان بولاتىن.
"ادىرنا" ۇلتتىق پورتالى
