قر ەڭبەك جانە حالىقتى الەۋمەتتىك قورعاۋ مينيسترلىگى قازاقستانداعى زەينەتاقىنىڭ ورتاشا مولشەرىن اتادى، - دەپ حابارلايدى "ادىرنا" ءتىلشىسى ۆەدومستۆونىڭ ءباسپاسوز قىزمەتىنە سىلتەمە جاساپ.
ەڭبەك مينيسترلىگىنىڭ مالىمەتىنشە، 1 شىلدەدەگى جاعداي بويىنشا قازاقستاندىقتارعا 1,4 تريلليون تەڭگەدەن استام زەينەتاقى تولەنگەن. 2022 جىلعى ماۋسىمدا رەسپۋبليكالىق بيۋدجەتتەن زەينەتاقى تولەمدەرىنە 261,9 ملرد تەڭگە ءبولىندى، ونىڭ 79,4 ملرد تەڭگەسى بازالىق زەينەتاقىعا، 182,6 ملرد تەڭگەسى ىنتىماقتى زەينەتاقىعا تولەندى.
"2022 جىلعى 1 شىلدەدەگى جاعداي بويىنشا زەينەتكەرلەردىڭ سانى 2 ميلليون 247 مىڭ ادامدى قۇرادى. 2022 جىلعى 1 شىلدەدەگى جاعداي بويىنشا زەينەتاقى تولەمدەرىنىڭ ورتاشا مولشەرى (بازالىق زەينەتاقى تولەمىن قوسا العاندا) 117 469 تەڭگەنى قۇرادى", - دەلىنگەن حابارلامادا.
ەسكە سالايىق، ماۋسىمدا زەينەتاقى تولەمدەرىنىڭ ورتاشا مولشەرى بازالىق زەينەتاقى تولەمىن ەسەپكە العاندا 105 189 تەڭگەنى قۇرادى.
