QR Eńbek jáne halyqty áleýmettik qorǵaý mınıstrligi Qazaqstandaǵy zeınetaqynyń ortasha mólsherin atady, - dep habarlaıdy "Adyrna" tilshisi vedomstvonyń baspasóz qyzmetine silteme jasap.
Eńbek mınıstrliginiń málimetinshe, 1 shildedegi jaǵdaı boıynsha qazaqstandyqtarǵa 1,4 trıllıon teńgeden astam zeınetaqy tólengen. 2022 jylǵy maýsymda respýblıkalyq bıýdjetten zeınetaqy tólemderine 261,9 mlrd teńge bólindi, onyń 79,4 mlrd teńgesi bazalyq zeınetaqyǵa, 182,6 mlrd teńgesi yntymaqty zeınetaqyǵa tólendi.
"2022 jylǵy 1 shildedegi jaǵdaı boıynsha zeınetkerlerdiń sany 2 mıllıon 247 myń adamdy qurady. 2022 jylǵy 1 shildedegi jaǵdaı boıynsha zeınetaqy tólemderiniń ortasha mólsheri (bazalyq zeınetaqy tólemin qosa alǵanda) 117 469 teńgeni qurady", - delingen habarlamada.
Eske salaıyq, maýsymda zeınetaqy tólemderiniń ortasha mólsheri bazalyq zeınetaqy tólemin esepke alǵanda 105 189 teńgeni qurady.
