سوت شەشىمىمەن «التىن وردا» بازارى تيەسىلى كومپانياعا ايىپپۇل سالىندى. بۇل تۋرالى باسەكەلەستىكتى قورعاۋ جانە دامىتۋ اگەنتتىگى حابارلادى، - دەپ حابارلايدى "ادىران" پورتالى.
"الماتى وبلىسىنىڭ اكىمشىلىك قۇقىق بۇزۋشىلىق ىستەرى جونىندەگى قاراساي مامانداندىرىلعان اۋدانارالىق سوتىنىڭ قاۋلىسىمەن "Altyn Orda QazTrade LTD" جشس اكىمشىلىك جاۋاپكەرشىلىككە تارتىلدى. "اكىمشىلىك قۇقىق بۇزۋشىلىق تۋرالى" قازاقستان رەسپۋبليكاسى كودەكسىنىڭ 159-بابىنىڭ 3-بولىگىنە سايكەس اكىمشىلىك جاۋاپكەرشىلىككە تارتىلدى. مونوپوليالىق جوعارى باعانى قولدانۋ كەزىندە الىنعان 46 976 550 تەڭگە سوماسىندا مونوپوليالىق كىرىس تاركىلەنىپ، 1 424 776 تەڭگە سوماسىندا ايىپپۇل سالىندى»، - دەلىنگەن حابارلامادا.
ەسكە سالايىق، بۇعان دەيىن الماتى وبلىسى بويىنشا مونوپولياعا قارسى دەپارتامەنتى «Altyn Orda QazTrade LTD» جشس-نە قاتىستى اكىمشىلىك ءىس قوزعاپ، ماتەريالدار الماتى وبلىسىنىڭ قاراساي مامانداندىرىلعان اۋدانارالىق سوتىنا قاراۋ ءۇشىن جىبەرىلگەن بولاتىن.
اتاپ ايتقاندا، 2022 جىلعى ناۋرىزدا «التىن وردا» بازارىندا جۇرگىزىلگەن تەكسەرۋ ناتيجەلەرى بويىنشا جشس قىزمەتىندە تاۋلىكتىك جالداۋ اقىسىنا مونوپوليالىق جوعارى باعا بەلگىلەۋ جانە ساۋدا ورىندارىن ۇستاۋدا كورسەتىلگەن ۇستەم نەمەسە جاعدايدى تەرىس پايدالانۋ فاكتىلەرى انىقتالدى.
قاراساي مامانداندىرىلعان اۋدانارالىق سوتىنىڭ قاۋلىسى زاڭدى كۇشىنە ەنگەن جوق.
"ادىرنا" ۇلتتىق پورتالى
