Sot şeşımımen «Altyn Orda» bazary tiesılı kompaniiaǧa aiyppūl salyndy. Būl turaly Bäsekelestıktı qorǧau jäne damytu agenttıgı habarlady, - dep habarlaidy "Adyran" portaly.
"Almaty oblysynyŋ Äkımşılık qūqyq būzuşylyq ısterı jönındegı Qarasai mamandandyrylǧan audanaralyq sotynyŋ qaulysymen "Altyn Orda QazTrade LTD" JŞS äkımşılık jauapkerşılıkke tartyldy. "Äkımşılık qūqyq būzuşylyq turaly" Qazaqstan Respublikasy Kodeksınıŋ 159-babynyŋ 3-bölıgıne säikes äkımşılık jauapkerşılıkke tartyldy. Monopoliialyq joǧary baǧany qoldanu kezınde alynǧan 46 976 550 teŋge somasynda monopoliialyq kırıs tärkılenıp, 1 424 776 teŋge somasynda aiyppūl salyndy», - delıngen habarlamada.Eske salaiyq, būǧan deiın Almaty oblysy boiynşa Monopoliiaǧa qarsy departamentı «Altyn Orda QazTrade LTD» JŞS-ne qatysty äkımşılık ıs qozǧap, materialdar Almaty oblysynyŋ Qarasai mamandandyrylǧan audanaralyq sotyna qarau üşın jıberılgen bolatyn. Atap aitqanda, 2022 jylǧy nauryzda «Altyn Orda» bazarynda jürgızılgen tekseru nätijelerı boiynşa JŞS qyzmetınde täulıktık jaldau aqysyna monopoliialyq joǧary baǧa belgıleu jäne sauda oryndaryn ūstauda körsetılgen üstem nemese jaǧdaidy terıs paidalanu faktılerı anyqtaldy. Qarasai mamandandyrylǧan audanaralyq sotynyŋ qaulysy zaŋdy küşıne engen joq.
"Adyrna" ūlttyq portaly
