اقمولا وبلىسىندا سۋعا كەتكەن ءجۋرناليستىڭ دەنەسى 5 كۇننەن سوڭ تابىلدى. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى «ادىرنا» ءتىلشىسى.
«اقمولالىق قۇتقارۋشىلار بەس كۇن بۇرىن استانا سۋ قويماسىندا سۋعا باتىپ كەتكەن 27 جاستاعى بويجەتكەننىڭ دەنەسىن تاپتى. ىزدەستىرۋ جۇمىستارىنا قۇرامىندا 10 ادام، ىزدەۋ ءيتى جانە ەكى موتورلى قايىعى بار (ونىڭ بىرەۋى ستاتسيونارلىق ەحولوتپەن جابدىقتالعان) قۇتقارۋشىلار توبى جۇمىلدىرىلدى. سۇڭگۋىرلەرگە قاتتى جەل مەن سۋ تۋبىندەگى بالدىرلار كەدەرگى كەلتىردى»،— دەپ ءتۇسىندىردى ۆەدومستۆو.مارقۇم بولعان يزاتيما سامتىقباەۆا بۇرىن باق-تا قىزمەت ەتكەن.
