الماتى جانە جەتىسۋ وبلىستارىندا Zhasproject جوباسى باستاۋ الدى. جوباعا ءوتىنىم بەرۋ 26 شىلدە مەن 10 تامىز ارالىعىندا وتكىزىلەدى. بۇل تۋرالى وڭىرلىك كوممۋنيكاتسيالار الاڭىندا وتكەن ءباسپاسوز-ءماسليحاتىندا ءمالىم بولدى.
بۇل جوبانى ىسكە اسىرۋ ءۇشىن جاستاردى دامىتۋ مەن قولداۋدىڭ ءتيىمدى تاجىريبەلەرىنىڭ ەسكەرە وتىرىپ، قازاقستان رەسپۋبليكاسىنىڭ ۇكىمەتى وسى جوبانى مەملەكەتتىك قارجىلاندىرۋ اياسىندا باستاۋ تۋرالى شەشىم قابىلدادى.
Zhasproject جوباسى قر اقپارات جانە قوعامدىق دامۋ مينيسترلىگىنىڭ قولداۋىمەن ازاماتتىق باستامالاردى قولداۋ ورتالىعىمەن بىرلەسىپ جۇزەگە اسىرۋدا. بۇگىندە ، مينيسترلىك قازىر جاستار جۇمىسىنا بىرقاتار تاسىلدەردى قايتا قاراستىرۋدا جانە Zhasproject سياقتى اتاۋلى جانە ناقتى جوبالار جاقىن بولاشاقتا ءوز جەمىسىن بەرەتىنىنە سەنىمدى.
2022 جىلى جوبا 6 وبلىستا: الماتى جانە جەتىسۋ، قاراعاندى جانە ۇلىتاۋ، تۇركىستان جانە ماڭعىستاۋ وبلىستارىندا پيلوتتىق رەجيمدە ىسكە اسىرىلادى.
جوبانى ىسكە اسىرۋ ءۇشىن بۇل وڭىرلەردە جەكە جوبالىق كەڭسەلەر قۇرىلدى. الماتى جانە جەتىسۋ وبلىستارىندا جوبالىق كەڭسەنىڭ قىزمەتىن كونكۋرستىق نەگىزدە ىرىكتەلگەن "تامشىبۇلاق" قوعامدىق بىرلەستىگى جۇزەگە اسىرادى.
18 بەن 28 جاس ارالىعىنداعى جاستارعا كاسىپكەرلىك باعىتتا قولداۋ بىلدىرۋگە ارنالعان جوبانىڭ بۇگىنگى تالابى بولەك. بيىلعى جىلى جوباعا قاتىسۋشى جاستار ىشىندە باسىمدىق وسال ساناتتاعى ادامدارعا بەرىلەدى. ناقتىلاساق، تىركەلگەن جۇمىسسىز مارتەبەسى بار جاستار، از قامتىلعان وتباسىلاردا تۇراتىن، جەتىم جانە مۇگەدەك ادامدارعا، مۇگەدەك بالانى تاربيەلەپ وتىرعان اتا-انالارعا، كوپ بالالى وتباسىلارعا، سونداي-اق «التىن القا» جانە «كۇمىس القا» القالارىمەن ناگرادتالعان كوپ بالالى انالارعا ەرەكشە باسىمدىق بەرىلەدى.
Zhasproject جوباسىنا قاتىسۋشىلار 16 باعىت بويىنشا الەۋمەتتىك جوبا ۇسىنۋى شارت.
جوباعا ءبىر قاتىسۋشىدان ءبىر عانا ءوتىنىم قابىلدانادى. سونىمەن قاتار ءوتىنىم بەرگەن ادام الەۋمەتتىك جوبانىڭ يدەياسىن جازىپ كورسەتەدى. سونداي-اق، تەلەفون ءنومىرىن راستاۋمەن ZHASPROJECT-ALMOBL.KZ سايتىندا قاتسۋشى رەتىندە تىركەلىپ، تەلەفون ءنومىرىن راستاۋى ءتيىس. جوبالىق ونلاين-ءوتىنىمدى بەرىپ، تىركەۋ ءنومىرىن الادى. شاعىن گرانتتاردى ىرىكتەۋ 10-18 تامىز ارالىعىندا وتەدى. 18 تامىز جەڭىمپازداردىڭ ەسىمى بەلگىلى بولادى.
جالپى جوباعا قاتىسۋ ەكى كەزەڭنەن تۇرادى. ءبىرىنشى كەزەڭ- تەحنيكالىق ىرىكتەۋ وتكسە، ەكىنشى كەزەڭدە كونكۋرستىق كوميسسيا جۇمىستاردى قاراپ، شەشىم شىعارادى. ايتا كەتەيىك، بيىل جۇمىستارعا جوعارىدا اتالعانداي ارنايى تىركەۋ ءنومىرى بەرىلەتىن بولادى. 21 ادامنان تۇراتىن كوميسسيا جوبا اۆتورىن تانىمايتىن بولادى. بۇل ەرەجە شىنايى جەڭىسكە جەتۋگە جول باستايدى دەيدى ۇيىمداستىرۋشىلار.
«بۇل جوبا جاڭارىپ، جاڭادان ۇسىنىلۋدا. ونىڭ ىشىندە قاتىسۋشى توپتىڭ كەڭەيتىلۋى بۇلدا ەرەكشەلىك بولىپ تابىلادى. اتالمىش باستاما ءبىزدىڭ جەتىسۋ وبلىسىنىڭ جاستارىنىڭ جەكە دارا دامۋىنا مۇمكىندىك بەرەدى دەپ ويلايمىز. بارشالارىڭىزعا جوبانى ناسيحاتتاۋ جۇمىستارىنا جانە قاتىسۋشىلارعا ساتتىلىك تىلەيمىن»،-دەدى جەتىسۋ وبلىسى اكىمىنىڭ ورىنباسارى رۋستام الي.
ەستەرىڭىزىگە سالامىز، Zhasproject اياسىندا 250 شاعىن گرانت ءبولىنىپ وتىر. ونىڭ 63-ءى جەتىسۋ جانە الماتى وبلىستارىنا تيەسىلى. ءاربىر ۇتقان قاتىسۋشىعا ءوز كاسىبىن باستاپ، بيزنەس-يدەيانى جۇزەگە اسىرۋ ءۇشىن 1000 000 تەڭگە سوماسىندا قاراجات بەرىلەدى. ايتا كەتۋ كەرەك، جوبا جەڭىمپازى العاشقى ءۇش اي تەگىن تۇردە ءىسىن جۇرگىزەدى. ارتىنشا اقىلى تۇردە قىزمەت كورسەتۋگە باعىت الا الادى.
جوبا بويىنشا قوسىمشا اقپاراتتى www.zhasproject_almobl.kz cايتىنان، +7 701 171 1585 بايلانىس نومەرى ارقىلى بىلۋگە بولادى.
