Zhasproject - käsıpkerlıkke jol

Almaty jäne Jetısu oblystarynda Zhasproject jobasy bastau aldy. Jobaǧa ötınım beru 26 şılde men 10 tamyz aralyǧynda ötkızıledı. Būl turaly Öŋırlık kommunikasiialar alaŋynda ötken baspasöz-mäslihatynda mälım boldy. Būl jobany ıske asyru üşın jastardy damytu men qoldaudyŋ tiımdı täjıribelerınıŋ eskere otyryp, Qazaqstan Respublikasynyŋ Ükımetı osy jobany memlekettık qarjylandyru aiasynda bastau turaly şeşım qabyldady. Zhasproject jobasy QR Aqparat jäne qoǧamdyq damu ministrlıgınıŋ qoldauymen Azamattyq bastamalardy qoldau ortalyǧymen bırlesıp jüzege asyruda. Bügınde , ministrlık qazır jastar jūmysyna bırqatar täsılderdı qaita qarastyruda jäne Zhasproject siiaqty atauly jäne naqty jobalar jaqyn bolaşaqta öz jemısın beretınıne senımdı. 2022 jyly joba 6 oblysta: Almaty jäne Jetısu, Qaraǧandy jäne Ūlytau, Türkıstan jäne Maŋǧystau oblystarynda pilottyq rejimde ıske asyrylady. Jobany ıske asyru üşın būl öŋırlerde jeke jobalyq keŋseler qūryldy. Almaty jäne Jetısu oblystarynda jobalyq keŋsenıŋ qyzmetın konkurstyq negızde ırıktelgen "Tamşybūlaq" qoǧamdyq bırlestıgı jüzege asyrady. 18 ben 28 jas aralyǧyndaǧy jastarǧa käsıpkerlık baǧytta qoldau bıldıruge arnalǧan jobanyŋ bügıngı talaby bölek. Biylǧy jyly jobaǧa qatysuşy jastar ışınde basymdyq osal sanattaǧy adamdarǧa berıledı. Naqtylasaq, tırkelgen jūmyssyz märtebesı bar jastar, az qamtylǧan otbasylarda tūratyn, jetım jäne mügedek adamdarǧa, mügedek balany tärbielep otyrǧan ata-analarǧa, köp balaly otbasylarǧa, sondai-aq «Altyn alqa» jäne «Kümıs alqa» alqalarymen nagradtalǧan köp balaly analarǧa erekşe basymdyq berıledı. Zhasproject jobasyna qatysuşylar 16 baǧyt boiynşa äleumettık joba ūsynuy şart. Jobaǧa bır qatysuşydan bır ǧana ötınım qabyldanady. Sonymen qatar ötınım bergen adam äleumettık jobanyŋ ideiasyn jazyp körsetedı. Sondai-aq, telefon nömırın rastaumen ZHASPROJECT-ALMOBL.KZ saitynda qatsuşy retınde tırkelıp, telefon nömırın rastauy tiıs. Jobalyq onlain-ötınımdı berıp, tırkeu nömırın alady. Şaǧyn granttardy ırıkteu 10-18 tamyz aralyǧynda ötedı. 18 tamyz jeŋımpazdardyŋ esımı belgılı bolady. Jalpy jobaǧa qatysu ekı kezeŋnen tūrady. Bırınşı kezeŋ- tehnikalyq ırıkteu ötkse, ekınşı kezeŋde konkurstyq komissiia jūmystardy qarap, şeşım şyǧarady. Aita keteiık, biyl jūmystarǧa joǧaryda atalǧandai arnaiy tırkeu nömırı berıletın bolady. 21 adamnan tūratyn komissiia joba avtoryn tanymaityn bolady. Būl ereje şynaiy jeŋıske jetuge jol bastaidy deidı ūiymdastyruşylar. «Būl joba jaŋaryp, jaŋadan ūsynyluda. Onyŋ ışınde qatysuşy toptyŋ keŋeitıluı būlda erekşelık bolyp tabylady. Atalmyş bastama bızdıŋ Jetısu oblysynyŋ jastarynyŋ jeke dara damuyna mümkındık beredı dep oilaimyz. Barşalaryŋyzǧa jobany nasihattau jūmystaryna jäne qatysuşylarǧa sättılık tıleimın»,-dedı Jetısu oblysy äkımınıŋ orynbasary Rustam Ali. Esterıŋızıge salamyz, Zhasproject aiasynda 250 şaǧyn grant bölınıp otyr. Onyŋ 63-ı Jetısu jäne Almaty oblystaryna tiesılı. Ärbır ūtqan qatysuşyǧa öz käsıbın bastap, biznes-ideiany jüzege asyru üşın 1000 000 teŋge somasynda qarajat berıledı. Aita ketu kerek, joba jeŋımpazy alǧaşqy üş ai tegın türde ısın jürgızedı. Artynşa aqyly türde qyzmet körsetuge baǧyt ala alady. Joba boiynşa qosymşa aqparatty www.zhasproject_almobl.kz caitynan, +7 701 171 1585 bailanys nomerı arqyly bıluge bolady.