الماتى وبلىسىندا شاعىن جانە ورتا بيزنەس سالاسىندا 96,7 مىڭ سۋبەكت جۇمىس ىستەيدى جانە وتكەن جىلمەن سالىستىرعاندا ولاردىڭ سانى 15,4 مىڭعا ءوستى.
قازىرگى كەزدە الماتى وبلىسىندا شوب سالاسىندا جۇمىسپەن قامتىلعاندار سانى 191,6 مىڭ ادامعا جەتىپ وتىر. قۋانتارلىعى، ايماقتاعى شاعىن جانە ورتا بيزنەس سۋبەكتىلەرىنەن قازىناعا تۇسەتىن سالىپ وتكەن جىمەن سالىستىرعاندا 1,5 ەسەگە ارتقان. ناتيجەسىندە، التى ايدىڭ قورىتىندىسى بويىنشا شوب سۋبەكتىلەرىنەن بيۋدجەتكە كەلىپ تۇسكەن ءتۇسىم 130,6 ملرد.تەڭگەنى قۇراعان.
الماتى وبلىسىندا كاسىپكەرلىكتى دامىتۋعا قاشاندا باسىمدىلىق بەرىلەدى. بۇل ءۇردىس بيىلدا جالعاسىن تاۋىپ وتىر. اعىمداعى جىلى وڭىردە كاسىپكەرلىكتى قولداۋعا 12,7 ملرد.تەڭگە ءبولىندى، ونىڭ ىشىندە «بيزنەستىڭ جول كارتاسى – 2025» شەڭبەرىندە - 8,7 ملرد. تەڭگە، ءبىرىنشى جارتىجىلدىقتا 3,7 ملرد. تەڭگەگە 151 جوبا ماقۇلداندى.
سونىمەن قاتار، كاسىپكەرلىكتى دامىتۋ ۇلتتىق جوباسى اياسىندا حالىقتىڭ الەۋمەتتىك وسال توپتارىنان شىققان ازاماتتارعا جانە جاس كاسىپكەرلەرگە گرانتتار بەرۋ ءۇشىن 1,0 ملرد.تەڭگە ءبولىندى، ونىڭ ىشىندە 122,5 ملن. تەڭگە يگەرىلىپ، 100 گرانت بەرىلدى.
الداعى تاڭدا «باستاۋ بيزنەس» جوباسى بويىنشا ايماقتاعى 1660 ادامدى كاسىپكەرلىك نەگىزدەرىنە وقىتۋ جوسپارلانۋدا.
اۋىل حالقىنىڭ ءومىر ءسۇرۋ ساپاسىن جاقسارتۋدا جولعا قويىلعان. جوسپاردى جۇزەگە اسىرۋ ۇشىنگ اۋىل حالقىنا شاعىن نەسيە بەرۋگە 1,8 ملرد. تەڭگە كولەمىندە كوزدەلگەن.
وكىنىشكە وراي، «بيزنەستىڭ جول كارتاسى» باعدارلاماسى بالقاش اۋدانىندا كەنجەلەپ تۇر. بۇل ايماقتا جىل باسىنان بەرى جىل باسىنان بەرى ىردە-ءبىر جوبا ىسكە اسىرىلماعان. تەك رايىمبەك اۋدانى مەن قوناەۆ قالاسىندا ەكى جوبادان قولداۋ كورسەتىلگەن.
