اقش پرەزيدەنتى دونالد ترامپ يزرايل مەن يران اراسىنداعى قاقتىعىستى بەيبىت جولمەن رەتتەۋگە قاتىسقانى ءۇشىن بەيبىتشىلىك جونىندەگى نوبەل سىيلىعىنا ۇسىنىلدى.بۇل باستامانى 24 ماۋسىمدا اقش كونگرەسىنىڭ رەسپۋبليكاشىل مۇشەسى باددي كارتەر كوتەردى، دەپ حابارلايدى “ادىرنا” ۇلتتىق پورتالى Fox News سايتىنا سىلتەپ.
اقپاراتقا سايكەس، نورۆەگيانىڭ نوبەل كوميتەتىنىڭ توراعاسى يورگەن ۆاتنە فريدنەگە جولداعان رەسمي حاتىندا كارتەر ترامپتىڭ قارۋلى قاقتىعىستى توقتاتىپ، ايماقتا يادرولىق قارۋدىڭ تارالۋىنا جول بەرمەگەندەگى "ەرەكشە ءارى تاريحي ءرولىن" اتاپ كورسەتكەن.
"بىرنەشە اپتا بۇرىن الەم اۋقىمدى وڭىرلىك سوعىستىڭ الدىندا تۇرعان ەدى، بىراق ءدال وسى شەشۋشى
كارتەردىڭ پىكىرىنشە، ەكى قارسى تاراپ اراسىندا قول جەتكىزىلگەن، باستاپقىدا مۇمكىن ەمەس بولىپ كورىنگەن بۇل كەلىسىم – ءدال ترامپتىڭ ارەكەتتەرىنىڭ ناتيجەسى. ونىڭ ايتۋىنشا، پرەزيدەنتتىڭ باستاماسى تاياۋ شىعىستاعى شيەلەنىستى تومەندەتىپ قانا قويماي، "مىڭداعان، ءتىپتى ميلليونداعان ادامنىڭ ءومىرىن ساقتاپ قالۋعا" ىقپال ەتكەن.
ايتا كەتەيىك، بۇعان دەيىن پاكىستان ۇكىمەتى دە دونالد ترامپتى بەيبىتشىلىك سىيلىعىنا ۇسىنۋ باستاماسىن كوتەرگەن ەدى.
