اقش پرەزيدەنتى دونالد ترامپ قازاقستان باسشىسى قاسىم-جومارت توقاەۆقا رەسپۋبليكا كۇنىنە وراي قۇتتىقتاۋ جەدەلحاتىن جولدادى، دەپ حابارلايدى “ادىرنا”.
سونداي-اق ول ەكى ەل اراسىنداعى ستراتەگيالىق ارىپتەستىكتى نىعايتۋ ماسەلەسىنە توقتالىپ، جەلتوقساندا وتەتىن G20 سامميتىندە كەزدەسۋگە نيەتتى ەكەنىن جەتكىزدى.
جەدەلحاتتا دونالد ترامپ سوڭعى ءبىر جىلدا قازاقستان مەن اقش اراسىنداعى ىنتىماقتاستىقتىڭ تەرەڭدەي تۇسكەنىن اتاپ ءوتتى. ونىڭ ايتۋىنشا، ەكى ەل حالىقارالىق بەيبىتشىلىك پەن قاۋىپسىزدىك ماسەلەلەرىندە بىرلەسىپ جۇمىس ىستەپ، ءوزارا ءتيىمدى كوممەرتسيالىق كەلىسىمدەرگە قول جەتكىزگەن.
اقش پرەزيدەنتى 1991 جىلى قازاقستاننىڭ تاۋەلسىزدىگىن العاشقىلاردىڭ ءبىرى ەمەس، العاش بولىپ تانىعان ەل اقش ەكەنىن ەسكە سالدى. سونداي-اق ۆاشينگتوننىڭ قازاقستاننىڭ تاۋەلسىزدىگىن، ەگەمەندىگى مەن اۋماقتىق تۇتاستىعىن قولداۋعا دەگەن ۇستانىمى وزگەرمەيتىنىن ايتتى.
ترامپ امەريكالىق كومپانيالاردىڭ قازاقستان ەكونوميكاسىنىڭ دامۋىنا ەلەۋلى ۇلەس قوسىپ كەلە جاتقانىن ايتىپ، ەكى ەل اراسىنداعى دوستىق پەن سەرىكتەستىك الداعى ونجىلدىقتاردا دا ناقتى ناتيجەلەرگە جەتكىزەتىنىنە سەنىم ءبىلدىردى.
