AQŞ prezidentı Donald Tramp Qazaqstan basşysy Qasym-Jomart Toqaevqa Respublika künıne orai qūttyqtau jedelhatyn joldady, dep habarlaidy “Adyrna”.
Sondai-aq ol ekı el arasyndaǧy strategiialyq ärıptestıktı nyǧaitu mäselesıne toqtalyp, jeltoqsanda ötetın G20 sammitınde kezdesuge niettı ekenın jetkızdı.
Jedelhatta Donald Tramp soŋǧy bır jylda Qazaqstan men AQŞ arasyndaǧy yntymaqtastyqtyŋ tereŋdei tüskenın atap öttı. Onyŋ aituynşa, ekı el halyqaralyq beibıtşılık pen qauıpsızdık mäselelerınde bırlesıp jūmys ıstep, özara tiımdı kommersiialyq kelısımderge qol jetkızgen.
AQŞ prezidentı 1991 jyly Qazaqstannyŋ täuelsızdıgın alǧaşqylardyŋ bırı emes, alǧaş bolyp tanyǧan el AQŞ ekenın eske saldy. Sondai-aq Vaşingtonnyŋ Qazaqstannyŋ täuelsızdıgın, egemendıgı men aumaqtyq tūtastyǧyn qoldauǧa degen ūstanymy özgermeitının aitty.
Tramp amerikalyq kompaniialardyŋ Qazaqstan ekonomikasynyŋ damuyna eleulı üles qosyp kele jatqanyn aityp, ekı el arasyndaǧy dostyq pen serıktestık aldaǧy onjyldyqtarda da naqty nätijelerge jetkızetınıne senım bıldırdı.
