Foto: Aqorda
Prezident Qasym-Jomart Toqaev TMD memleketterı basşylary keŋesınıŋ otyrysynda söz söilep, Dostastyq aiasyndaǧy senımdı dialog pen yntymaqtastyqtyŋ maŋyzyn atap öttı, dep habarlaidy "Adyrna".
Memleket basşysy jiynǧa qatysuşylarǧa ıltipat bıldırıp, sammittı oidaǧydai ūiymdastyrǧany jäne qonaqjailyq körsetkenı üşın Türıkmenstan Prezidentı Serdar Berdımūhamedovke alǧys aitty.
"Qazaqstan Türıkmenstannyŋ Ūiymǧa töraǧalyq jasaǧan kezeŋınıŋ nätijelerın jäne TMD-nyŋ ortaq kün tärtıbın ılgerıletuge qosqan ülesın joǧary baǧalaidy. Osyǧan orai, qūrmettı ärıptes, Sızdıŋ joǧary käsıbi deŋgeidegı jūmysyŋyzǧa rizaşylyǧymdy bıldıremın. Bügıngı sammit Täuelsız Memleketter Dostastyǧynyŋ 35 jyldyǧymen tūspa-tūs kelıp otyr. Özderıŋızge mälım, Qazaqstan Ūiymnyŋ bastauynda tūrdy. 1991 jyly qol qoiylǧan Almaty deklarasiiasy şyn mänınde memleketterımızdıŋ tarihyndaǧy betbūrysty sät boldy. TMD-nyŋ qūryluy postkeŋestık keŋıstıktegı jappai qaqtyǧystyŋ aldyn aldy. TMD-nyŋ bırıktıruşı missiiasy elderımız täuelsızdık alǧan kezeŋde aiqyn körındı desek, artyq aitqanymyz emes. Odaq qūramyndaǧy elder ırge bölgen kürdelı sätte tarihi bailanystarymyzdy saqtap, memleketaralyq yqpaldastyqtyŋ müldem jaŋa formatyn qūrdyq. Osy jyldarda Dostastyq ūiymy senım men yntymaqtastyqty därıpteitın tiımdı köpjaqty tetık retınde bükıl älemge keŋınen tanyldy", – dedı Qasym-Jomart Toqaev.
Prezident TMD-nyŋ eŋ ülken bailyǧy halyqtar dostastyǧy, ortaq mädeni jäne ruhani mūra ekenın aitty.
"Köz aldymyzda halyqaralyq qatynastardyŋ jaŋa qūrylymy qalyptasyp keledı. Jahandyq ekonomikalyq bailanystar jüiesı küirei bastady. Tehnologiialyq bäseke küşeidı, belgısızdık beleŋ alyp, aldaǧyny boljau qiyndai tüstı. Mūndai jaǧdaida tıkelei jäne senımdı dialog örbıtıp, är memlekettıŋ müddesın eskeretın ortaq şeşım tabu erekşe maŋyzdy. Dostastyqtyŋ ūdaiy sūranysqa ie ūiym boluynyŋ bırden-bır sebebı osy dep oilaimyn. Mereilı jylda Almaty deklarasiiasyndaǧy qaǧidattarǧa taǧy bır nazar audaryp, jürıp ötken jolymyzdy qaita zerdeleudı jäne keleşek mındetterdı aiqyndaudy ūsynamyn", – dedı Memleket basşysy.
Qasym-Jomart Toqaev qaraşa aiynda Almatyda Qazaqstannyŋ strategiialyq zertteuler institutynyŋ ūiymdastyruymen Almaty deklarasiiasynyŋ qabyldanǧanyna 35 jyl toluyna arnalǧan halyqaralyq konferensiia ötetının mälımdedı.
"TMD memleketterınıŋ ǧalymdaryn, qūqyqtanuşylaryn, tarihşylary men sarapşylaryn konferensiia jūmysyna belsendı türde qatysuǧa şaqyramyz", – dedı Prezident.
