Qazaqstan prezidentı Qasym-Jomart Toqaev biudjet jäne salyq saiasatynyŋ tiımdılıgın tübegeilı arttyrudy tapsyrdy, dep habarlaidy "Adyrna" portaly.
"Biudjet jäne salyq saiasatynyŋ tiımdılıgın barynşa arttyru qajet. Soŋǧy bes jyl ışınde biudjet tapşylyǧy 11 trillion teŋgeden asyp kettı. Sondyqtan biudjettı tiımdı basqaru jäne onyŋ ölşemderın neǧūrlym dūrys boljau Ükımettıŋ aldynda tūrǧan basty mındet bolyp qala beredı. Qarjy ministrlıgı byltyrǧy tabys josparyn aldyn ala tölengen osy jyldyŋ salyqtary esebınen oryndaǧany belgılı. 600 milliard teŋge kölemınde qosylǧan qūn salyǧyn qaitaru uaqytşa toqtatyldy. Demek biudjet mäselelerı biznestıŋ ainalymdaǧy qarajaty esebınen şeşıldı.", - dedı prezident Toqaev särsenbıde Ükımettıŋ keŋeitılgen otyrysynda.
Onyŋ aituynşa, taǧy bır şeşımın tappaǧan mäsele biudjettı bölı tärtıbı:
"Älı şeşımın tappaǧan taǧy bır mäsele – biudjettı bölu tärtıbı. Ol ekonomikalyq belsendılıktı arttyruǧa baǧyttalmaǧan. Qarajat kündelıktı mäselelerdı şeşuge jūmsalady, strategiialyq maqsattar sonyŋ köleŋkesınde qalady. Ükımet şyǧystardyŋ ekonomikalyq paidasy barynşa joǧary boluyna basa män bere otyryp, onyŋ naqty basymdyqtaryn aiqyndauy kerek", - dep tolyqtyrdy Toqaev.
Ūqsas jaŋalyqtar
