قازاقستان پرەزيدەنتى قاسىم-جومارت توقاەۆ بيۋدجەت جانە سالىق ساياساتىنىڭ تيىمدىلىگىن تۇبەگەيلى ارتتىرۋدى تاپسىردى، دەپ حابارلايدى "ادىرنا" پورتالى.
"بيۋدجەت جانە سالىق ساياساتىنىڭ تيىمدىلىگىن بارىنشا ارتتىرۋ قاجەت. سوڭعى بەس جىل ىشىندە بيۋدجەت تاپشىلىعى 11 تريلليون تەڭگەدەن اسىپ كەتتى. سوندىقتان بيۋدجەتتى ءتيىمدى باسقارۋ جانە ونىڭ ولشەمدەرىن نەعۇرلىم دۇرىس بولجاۋ ۇكىمەتتىڭ الدىندا تۇرعان باستى مىندەت بولىپ قالا بەرەدى. قارجى مينيسترلىگى بىلتىرعى تابىس جوسپارىن الدىن الا تولەنگەن وسى جىلدىڭ سالىقتارى ەسەبىنەن ورىنداعانى بەلگىلى. 600 ميلليارد تەڭگە كولەمىندە قوسىلعان قۇن سالىعىن قايتارۋ ۋاقىتشا توقتاتىلدى. دەمەك بيۋدجەت ماسەلەلەرى بيزنەستىڭ اينالىمداعى قاراجاتى ەسەبىنەن شەشىلدى.", - دەدى پرەزيدەنت توقاەۆ سارسەنبىدە ۇكىمەتتىڭ كەڭەيتىلگەن وتىرىسىندا.
ونىڭ ايتۋىنشا، تاعى ءبىر شەشىمىن تاپپاعان ماسەلە بيۋدجەتتى ءبولى ءتارتىبى:
ء"الى شەشىمىن تاپپاعان تاعى ءبىر ماسەلە – بيۋدجەتتى ءبولۋ ءتارتىبى. ول ەكونوميكالىق بەلسەندىلىكتى ارتتىرۋعا باعىتتالماعان. قاراجات كۇندەلىكتى ماسەلەلەردى شەشۋگە جۇمسالادى، ستراتەگيالىق ماقساتتار سونىڭ كولەڭكەسىندە قالادى. ۇكىمەت شىعىستاردىڭ ەكونوميكالىق پايداسى بارىنشا جوعارى بولۋىنا باسا ءمان بەرە وتىرىپ، ونىڭ ناقتى باسىمدىقتارىن ايقىنداۋى كەرەك", - دەپ تولىقتىردى توقاەۆ.
