Ükımet basşysy Oljas Bektenov premer-ministr retınde alǧaş ret prezident Qasym-Jomart Toqaevtyŋ qabyldauynda boldy, dep habarlaidy «Adyrna» tılşısı Aqordaǧa sılteme jasap.
Memleket basşysyna elımızdıŋ qazırgı äleumettık-ekonomikalyq jaǧdaiy jäne ekonomikanyŋ ösımın qamtamasyz etu jospary turaly baiandaldy.
Oljas Bektenov prezidentke otandyq tauar öndıruşılerdı qoldaudy küşeitu üşın qabyldanyp jatqan şaralar jaiynda mälımet berdı. Qazaqstandyq önımderdıŋ ülesın arttyru maqsatynda memlekettık organdardyŋ, jer qoinauyn paidalanuşylar men kvazimemlekettık sektordyŋ satyp alu räsımderın jetıldıru jūmystary bastaldy.
Memleket basşysynyŋ tapsyrmasy boiynşa önerkäsıptıŋ perspektivtı salalaryn qarqyndy türde damytuǧa erekşe nazar audarylyp jatyr.
Sonymen qatar el basşysyny zaŋsyz iemdenılgen aktivterdı memleketke qaitaru mäselelerı jönındegı komissiianyŋ jūmysy turaly aityldy.
Kezdesu soŋynda Qasym-Jomart Toqaev elımızdı äleumettık-ekonomikalyq tūrǧydan odan ärı damytu jönınde bırqatar tapsyrma berdı.
Aita keteiık, 6 aqpan künı Oljas Bektenov Ükımet basşysy bolyp taǧaiyndalǧan edı. Būǧan deiın ol Prezident äkımşılıgınıŋ basşysy qyzmetın atqardy.
