ۇكىمەت باسشىسى ولجاس بەكتەنوۆ پرەمەر-مينيستر رەتىندە العاش رەت پرەزيدەنت قاسىم-جومارت توقاەۆتىڭ قابىلداۋىندا بولدى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
مەملەكەت باسشىسىنا ەلىمىزدىڭ قازىرگى الەۋمەتتىك-ەكونوميكالىق جاعدايى جانە ەكونوميكانىڭ ءوسىمىن قامتاماسىز ەتۋ جوسپارى تۋرالى باياندالدى.
ولجاس بەكتەنوۆ پرەزيدەنتكە وتاندىق تاۋار وندىرۋشىلەردى قولداۋدى كۇشەيتۋ ءۇشىن قابىلدانىپ جاتقان شارالار جايىندا مالىمەت بەردى. قازاقستاندىق ونىمدەردىڭ ۇلەسىن ارتتىرۋ ماقساتىندا مەملەكەتتىك ورگانداردىڭ، جەر قويناۋىن پايدالانۋشىلار مەن كۆازيمەملەكەتتىك سەكتوردىڭ ساتىپ الۋ راسىمدەرىن جەتىلدىرۋ جۇمىستارى باستالدى.
مەملەكەت باسشىسىنىڭ تاپسىرماسى بويىنشا ونەركاسىپتىڭ پەرسپەكتيۆتى سالالارىن قارقىندى تۇردە دامىتۋعا ەرەكشە نازار اۋدارىلىپ جاتىر.
سونىمەن قاتار ەل باسشىسىنى زاڭسىز يەمدەنىلگەن اكتيۆتەردى مەملەكەتكە قايتارۋ ماسەلەلەرى جونىندەگى كوميسسيانىڭ جۇمىسى تۋرالى ايتىلدى.
كەزدەسۋ سوڭىندا قاسىم-جومارت توقاەۆ ەلىمىزدى الەۋمەتتىك-ەكونوميكالىق تۇرعىدان ودان ءارى دامىتۋ جونىندە بىرقاتار تاپسىرما بەردى.
ايتا كەتەيىك، 6 اقپان كۇنى ولجاس بەكتەنوۆ ۇكىمەت باسشىسى بولىپ تاعايىندالعان ەدى. بۇعان دەيىن ول پرەزيدەنت اكىمشىلىگىنىڭ باسشىسى قىزمەتىن اتقاردى.
