Qazaqstannyŋ halyq ärtısı, kompozitor, professor Baqir Baiahunov 93 jasynda dünieden öttı. Qaraly habardy Qūrmanǧazy atyndaǧy Qazaq ūlttyq konservatoriiasy jetkızdı, dep habarlaidy "Adyrna".
«Qūrmanǧazy atyndaǧy Qazaq ūlttyq konservatoriiasy Qazaqstannyŋ körnektı kompozitory, pedagog, qoǧam qairatkerı, professor Baqir Iаhiiaūly Baiahunovtyŋ dünieden ötkenın tereŋ küizelıspen habarlaidy», delıngen oqu ornynyŋ habarlamasynda.
Baqir Iаhiiaūly Baiahunov 1933 jyly düniege kelgen. Ol Qazaq KSR halyq ärtısı jäne Qazaq KSR önerıne eŋbek sıŋırgen qairatker ataqtaryna ie bolǧan.
Kompozitor bükıl ömırın Qazaqstannyŋ käsıbi muzyka önerın damytuǧa arnaǧan. Almaty konservatoriiasyn tämamdap, keiın osy oqu ornynda 40 jyldan astam sabaq bergen.
Ol bırneşe buyn käsıbi muzykant tärbielep, otandyq kompozitorlyq mekteptıŋ damuyna eleulı üles qosty.
Baqir Baiahunov Ortalyq Aziiadaǧy düngen ūltynan şyqqan tūŋǧyş käsıbi kompozitor bolǧan. Ol şyǧarmalarynda europalyq akademiialyq muzykany, qazaqtyŋ muzykalyq mädenietın jäne Şyǧys halyqtarynyŋ äuenderın ūştastyrǧan.
Kompozitordyŋ şyǧarmaşylyq mūrasynda jetı simfoniia, köptegen vokaldyq, hor, kameralyq jäne aspaptyq şyǧarmalar bar.
«Baqir Iаhiiaūly Baiahunovtyŋ dünieden ötuı Qazaqstannyŋ muzykalyq qauymdastyǧy üşın orny tolmas qaza. Onyŋ esımı, şyǧarmalary men pedagogikalyq mūrasy otandyq öner tarihynda, ärıptesterı men şäkırtterınıŋ jadynda mäŋgı saqtalady», dep habarlady konservatoriia.
Oqu ornynyŋ basşylyǧy, oqytuşylary, qyzmetkerlerı men studentterı marqūmnyŋ otbasyna jäne jaqyndaryna köŋıl aitty.
Qazaqstannyŋ Mädeniet jäne aqparat ministrlıgı de kompozitordyŋ qaitys boluyna bailanysty köŋıl aitu habarlamasyn jariialady.
«Baqir Iаhiiaūly bar ǧūmyryn muzyka önerıne arnap, otandyq kompozitorlyq mekteptıŋ damuyna eleulı üles qosty. Qazaqtyŋ muzykalyq mūrasyn, Şyǧys halyqtarynyŋ äuenderın europalyq akademiialyq muzyka dästürımen ūştastyrǧan tuyndylary elımızdıŋ ruhani qazynasyn baiytty», delıngen ministrlık habarlamasynda.
Vedomstvo kompozitordyŋ ūstazdyq eŋbegın de atap öttı.
«Ol şäkırtterıne bılım berıp qana qoimai, önerdıŋ qadır-qasietın ūǧyndyryp, şyǧarmaşylyq jolda baǧyt-baǧdar körsettı. Baqir Iаhiiaūlynyŋ bai şyǧarmaşylyq mūrasy, ūstazdyq önegesı men jarqyn beinesı el jadynda mäŋgı saqtalady», dep mälımdedı ministrlık.
