Prezident qylmystyq jolmen alynǧan kırısterdı zaŋdastyruǧa qarasty bırqatar jarlyqtarǧa özgerıs engızdı, dep habarlaidy "Adyrna" ūlttyq portaly.
Memleket basşysynyŋ Jarlyǧymen Qarjy naryǧyn retteu jäne damytu agenttıgınıŋ, Bäsekelestıktı qorǧau jäne damytu agenttıgınıŋ jäne Qarjylyq monitoring agenttıgınıŋ funksiialary keŋeitılıp, naqtylandy.
Qūjatqa säikes, Qarjy naryǧyn retteu jäne damytu agenttıgınıŋ qylmystyq jolmen alynǧan kırısterdı zaŋdastyruǧa jäne terrorizmdı qarjylandyruǧa qarsy zaŋnama talaptarynyŋ saqtaluyna baqylau jäne qadaǧalau jönındegı ökılettıkterı naqtylandy. Agenttıktıŋ baqylau aiasyna Qazaqstannyŋ Eksporttyq-kredittık agenttıgı, beirezident bankter men saqtandyru ūiymdarynyŋ filialdary, beirezident saqtandyru brokerlerı, sondai-aq ūlttyq poşta operatory engızıldı.
Sonymen qatar Bäsekelestıktı qorǧau jäne damytu agenttıgınıŋ funksiialaryna da özgerıster engızıldı. Agenttıkke tauar birjalarynyŋ, birjalyq brokerlerdıŋ, kliringtık ortalyqtardyŋ qylmystyq jolmen alynǧan kırısterdı zaŋdastyruǧa, terrorizmdı jäne jappai qyryp-joiu qaruyn taratudy qarjylandyruǧa qarsy zaŋnama talaptaryn saqtauyna baqylau jasau mındetı jükteldı. Sondai-aq būl saladaǧy ışkı baqylau qaǧidalaryna qoiylatyn talaptardy bekıtu qūzyretı berıldı.
Qarjylyq monitoring agenttıgı turaly erejege engızılgen özgerısterge säikes, agenttık kümändı dep tanylǧan jeke jäne zaŋdy tūlǧalar turaly aqparatty qūqyq qorǧau jäne arnaiy memlekettık organdarǧa joldap, būl jönınde Bas prokuraturany habardar etedı. Sonymen qatar jariia lauazymdy tūlǧalardyŋ, olardyŋ jūbailary men jaqyn tuystarynyŋ tızbesın jürgızu qūzyretı berıldı.
Būdan bölek, qylmystyq jazasyn ötep şyqqan, bıraq sottylyǧy alynbaǧan adamdardy terrorizm men ekstremizmdı qarjylandyruǧa bailanysty tūlǧalar tızımınen şyǧaru tärtıbı naqtylandy.
Agenttıktıŋ funksiialary köleŋkelı ekonomikaǧa qarsy ıs-qimyl şaralaryn qabyldau, qarjylyq monitoring salasyndaǧy täuekelderdı baǧalau jäne olardy tömendetu jūmystarymen tolyqtyryldy. Sondai-aq qarjylyq monitoring subektılerıne memlekettık baqylau jürgızu jäne Ükımetke ūsynystar engızu ökılettıkterı berıldı.
Atalǧan Jarlyq qoldanysqa engızıldı.
