Memleket basshysy Qasym-Jomart Toqaev Mınskide ótken Ujymdyq qaýipsizdik shart uıymy (UQShU) Ujymdyq qaýipsizdik keńesiniń keńeıtilgen otyrysyna qatysty, dep málimdedi Aqordanyń Telegram arnasy. Bul týraly «Adyrna» ulttyq portaly habarlaıdy.
Toqaev 2024 jyldyń 1 qańtarynan bastap UQShU tóraǵalyǵy Qazaqstanǵa ótetinin atap ótip, eliniń UQShU negizindegi ujymdyq qaýipsizdik júıesin nyǵaıtýǵa úles qosýǵa daıyn ekenin bildirdi.
Ol Qazaqstannyń tóraǵalyǵy kezinde nazar aýdarý qajet birneshe basym baǵyttardy usyndy. Birinshiden, bul UQShU-nyń múddeli eldermen jáne halyqaralyq uıymdarmen qaýipsizdik salasyndaǵy yntymaqtastyǵy. Prezıdent Birikken Ulttar Uıymymen jáne onyń qurylymdarymen, sondaı-aq TMD jáne ShYU-men yntymaqtastyqty saqtaýdyń mańyzdylyǵyn atap ótti.
Ekinshi basymdyq halyqaralyq lańkestik pen ekstremızmge qarsy is-qımyl boıynsha yntymaqtastyqty damytý boldy. Prezıdent Toqaev esirtki men psıhotroptyq zattardyń zańsyz aınalymyna qarsy turý qajettigin atap ótti. Sondaı-aq qaqtyǵystardyń aldyn alý jáne aımaqtaǵy beıbitshilik pen turaqtylyqty qamtamasyz etý salasyndaǵy yntymaqtastyqtyń mańyzdylyǵy atap ótildi.
«Adyrna» ulttyq portaly
