قازاقستاننىڭ ۇقشۇ-عا توراعالىعى قاڭتاردا باستالادى

2184
Adyrna.kz Telegram
https://adyrna.kz/content/uploads/2023/11/722aecb6-1f5d-4b08-a6e5-752a0ae897cf.jpeg

مەملەكەت باسشىسى قاسىم-جومارت توقاەۆ مينسكىدە وتكەن ۇجىمدىق قاۋىپسىزدىك شارت ۇيىمى (ۇقشۇ) ۇجىمدىق قاۋىپسىزدىك كەڭەسىنىڭ كەڭەيتىلگەن وتىرىسىنا قاتىستى، دەپ مالىمدەدى اقوردانىڭ Telegram ارناسى. بۇل تۋرالى «ادىرنا» ۇلتتىق پورتالى حابارلايدى.

توقاەۆ 2024 جىلدىڭ 1 قاڭتارىنان باستاپ ۇقشۇ توراعالىعى قازاقستانعا وتەتىنىن اتاپ ءوتىپ، ەلىنىڭ ۇقشۇ نەگىزىندەگى ۇجىمدىق قاۋىپسىزدىك جۇيەسىن نىعايتۋعا ۇلەس قوسۋعا دايىن ەكەنىن ءبىلدىردى. ول قازاقستاننىڭ توراعالىعى كەزىندە نازار اۋدارۋ قاجەت بىرنەشە باسىم باعىتتاردى ۇسىندى. بىرىنشىدەن، بۇل ۇقشۇ-نىڭ مۇددەلى ەلدەرمەن جانە حالىقارالىق ۇيىمدارمەن قاۋىپسىزدىك سالاسىنداعى ىنتىماقتاستىعى. پرەزيدەنت بىرىككەن ۇلتتار ۇيىمىمەن جانە ونىڭ قۇرىلىمدارىمەن، سونداي-اق تمد جانە شىۇ-مەن ىنتىماقتاستىقتى ساقتاۋدىڭ ماڭىزدىلىعىن اتاپ ءوتتى. ەكىنشى باسىمدىق حالىقارالىق لاڭكەستىك پەن ەكسترەميزمگە قارسى ءىس-قيمىل بويىنشا ىنتىماقتاستىقتى دامىتۋ بولدى. پرەزيدەنت توقاەۆ ەسىرتكى مەن پسيحوتروپتىق زاتتاردىڭ زاڭسىز اينالىمىنا قارسى تۇرۋ قاجەتتىگىن اتاپ ءوتتى. سونداي-اق قاقتىعىستاردىڭ الدىن الۋ جانە ايماقتاعى بەيبىتشىلىك پەن تۇراقتىلىقتى قامتاماسىز ەتۋ سالاسىنداعى ىنتىماقتاستىقتىڭ ماڭىزدىلىعى اتاپ ءوتىلدى.

«ادىرنا» ۇلتتىق پورتالى

پىكىرلەر