Foto: gov.kz
Qazaqstanda jaŋa jeke kuälık alǧan keibır azamattar qūjattaǧy «Tuǧan jerı» degen baǧanǧa eldı mekennıŋ ornyna memleket atauy jazylǧanyn baiqaǧan. Işkı ıster ministrlıgı būl özgerıstıŋ sebebın tüsındırdı, dep habarlaidy “Adyrna”.
Vedomstvonyŋ baspasöz qyzmetınıŋ mälımetınşe, jaŋa tärtıp 2025 jyldyŋ nauryz aiynan bastap qoldanysqa engızılgen. Endı jeke kuälıktegı «Tuǧan jerı» baǧanynda adamnyŋ tuǧan qalasy nemese auyly emes, düniege kelgen elınıŋ atauy körsetıledı.
Osyǧan säikes, Qazaqstanda tuǧan azamattardyŋ qūjatynda «Qazaqstan» degen jazu bolady. Al şetelde düniege kelgen qazaqstandyqtardyŋ jeke kuälıgınde tuǧan memleketınıŋ atauy körsetıledı. Mäselen, AQŞ-ta tuǧan azamattyŋ qūjatynda «AQŞ» dep jazylady.
Işkı ıster ministrlıgı būl jaŋaşyldyq qūjattardy räsımdeu tärtıbın jetıldıru jäne ony halyqaralyq standarttarǧa säikestendıru maqsatynda engızılgenın atap öttı.
Sonymen qatar azamattardyŋ tuǧan jerıne qatysty tolyq mälımetter, sonyŋ ışınde oblys, audan jäne eldı meken turaly aqparat sifrlyq jüiede saqtalady.
Ministrlık jaŋa talapqa bailanysty būryn berılgen jeke kuälıkterdı mındettı türde auystyrudyŋ qajetı joq ekenın eske saldy.
Resmi derekterge säikes, 2026 jyldyŋ alǧaşqy alty aiynda Qazaqstanda 1,5 millionnan astam azamatqa pasport pen jeke kuälık berılgen.
