Qazaqstan Respublikasynyŋ Jasandy intellekt jäne sifrlyq damu ministrlıgı, «Qazaqtelekom» AQ jäne Perplexity AI, Inc. kompaniiasy özara tüsınıstık turaly memorandumǧa qol qoidy. Qūjat aiasynda Qazaqstan azamattary Perplexity Pro qyzmetın bır jyl boiy tegın paidalana alady.
Kelısım milliondaǧan azamat: studentter men mamandar üşın jaŋa mümkındıkterge jol aşady. Olar käsıbi damu, zertteu, bılım aluda zamanaui jasandy intellekt qūraldaryn paidalana alady. Sondai-aq memorandum Alem.AI negızınde äzırleme(R&D) men ǧylymi-zertteu jūmystaryn qoldau, Qazaqstanda data-ortalyqtardy damytu jönındegı bırlesken bastamalardy jüzege asyrudy közdeidı.
«Būl kelısım milliondaǧan qazaqstandyqqa būryn tek şekteulı paidalanuşylarǧa ǧana qoljetımdı bolǧan quatty jasandy intellekt tehnologiialaryn paidalanuǧa mümkındık beredı. Bız bılım men innovasiia ärbır azamatqa qoljetımdı bolatyn sifrlyq ekojüienı qalyptastyryp jatyrmyz», - dedı Qazaqstan Respublikasynyŋ Premer-ministrınıŋ orynbasary - Jasandy intellekt jäne sifrlyq damu ministrı Jaslan Mädiev.
«Qazaqstan aldyŋǧy qatarly jasandy intellekt ülgılerın jahandyq bılımmen bırıktırudıŋ maŋyzyn dūrys baǧalady. Būl ärbır azamat üşın Jİ tehnologiialaryn qoljetımdı etudıŋ tamaşa joly. Qazaqstannyŋ Jİ jäne sifrlyq damu ministrlıgımen ärıptestık - jasandy intellektını barlyq salada jedel engızuge mümkındık beredı», - dedı Perplexity kompaniiasynyŋ jahandyq mäseleler jönındegı vise-prezidentı jäne tehnikalyq direktorynyŋ orynbasary Djerri Ma.
«Perplexity AI kompaniiasymen yntymaqtastyq Qazaqstan üşın jaŋa mümkındıkterge jol aşady. Bız jasandy intellekt tehnologiialarynyŋ tek mamandarǧa ǧana emes, studentterge, mektep oquşylaryna, käsıpkerlerge jäne basqa azamattarǧa da qoljetımdı boluyn qalaimyz.«Qazaqtelekom» AQ osy ekojüienı damytuǧa belsendı qatysyp, zamanaui sifrlyq şeşımderdı adamdardyŋ kündelıktı ömırınıŋ bır bölıgıne ainaldyru jobalaryn qoldaityn bolady», - dedı «Qazaqtelekom» AQ Basqarma töraǧasy Baǧdat Musin.
Kelısımnıŋ inisiatory jäne üilestıruşısı - Astana IT University ekenın aita ketu kerek.
Perplexity AI kompaniiasymen ärıptestık universitettıŋ halyqaralyq yntymaqtastyqty damytu, sondai-aq bılım men ǧylymǧa jasandy intellekt tehnologiialaryn engızu baǧytyndaǧy ūmtylysyn körsetedı. Älemdegı innovasiialyq kompaniialardyŋ bırımen ärıptestık generativtı jasandy intellekt qūraldaryn oqu prosesıne engızuge, maşinalyq oqytu salasyndaǧy zertteulerdı damytuǧa jäne halyqaralyq akademiialyq bailanystardy nyǧaituǧa mümkındık beredı. Būl studentter men oqytuşylar üşın jaŋa sifrlyq qūzyretterdı qalyptastyruǧa jäne jahandyq Jİ ekojüiesıne qatysuǧa jol aşady.
Memorandumǧa qol qoiu Qazaqstannyŋ «bılımdı ūltty» qalyptastyru jolyndaǧy taǧy bır maŋyzdy qadamy, oǧan säikes jasandy intellekt bılım beru, ǧylym jäne adami kapitaldy damytu prosesıne üles qosady.
Perplexity turaly
Perplexity - jasandy intellekt negızındegı intellektualdy jüie, ol senımdı derekközderge süiene otyryp, sūraqtarǧa däl jauap beredı jäne derekközderge sıltemelerdı ūsynady. Sonymen qatar, ol tereŋ zertteuler jürgızuge jäne aqparatty tiımdı ızdeuge kömektesedı. 2022 jyly qūrylǧan kompaniianyŋ maqsaty - dästürlı ızdeu jüielerınıŋ mümkındıkterın jasandy intellekt interfeisterımen bırıktıre otyryp, aqparat ızdeudıŋ sapasyn arttyru. Qazırgı taŋda Perplexity älem boiynşa aptasyna 150 millionnan astam sūraqqajauap beredı. Qosymşa mobildı dükenderde jäne https://www.perplexity.comsaitynda qoljetımdı.
