Bügın, 29 qyrküiek künı Jezqazǧan qalasynda «Jaŋa saiasi däuır: aşyqtyq, ädıldık jäne özara senım» atty «Sarap» eksperttık klubynyŋ aimaqtyq otyrysy öttı. Şarany ūiymdastyruşy – QR Aqparat jäne qoǧamdyq damu ministrlıgınıŋ qoldauymen «Qazaqstandyq qoǧamdyq damu instituty» KeAQ.
Jiynǧa Ūlytau oblysy äkımınıŋ orynbasary Ǧalymjan Qūsmanǧali, Ūlytau oblysy qoǧamdyq damu basqarmasynyŋ basşysy Mereke Myrzabekova, «Ö.A. Baiqoŋyrov atyndaǧy Jezqazǧan universitetı» AQ Prezident-Rektory Äbdılmälık Täkışev, «Jezqazǧan Biznes jäne kölık kolledjı» JMM direktory, Jezqazǧan qalalyq mäslihatanyŋ deputaty Svetlana Jumkina, Jezqazǧan qalasy Biznes jäne kölık kolledjınıŋ oqytuşysy, tarihşy Maşikar Disekenova, «Joşy han» tarihi-mädeni keşenınıŋ mamany, QR Jazuşylar Odaǧynyŋ müşesı Ǧaziz Eştanaev, memlekettık organdardyŋ ökılderı, saiasattanuşylar, qoǧam qairatkerlerı, Jezqazǧan qalasynyŋ belsendı jastary jäne QQDİ sarapşylary qatysty.
Jiynda Prezident Joldauynyŋ negızgı erejelerı, jaŋa saiasi däuırdı aiqyndaityn bastamalary talqylandy. Sondai-aq ıs-şara qatysuşylary reformalardy taldap, Joldaudy sapaly jüzege asyrudyŋ türlı aspektılerı boiynşa pıkır almasty.
Is-şara Qazaqstandyq qoǧamdyq damu institutynyŋ sarapşysy Oljas Beisenbaevtyŋ moderatorlyǧymen öttı. Ol Qazaqstanda Prezidenttıŋ kezekten tys sailauy 20 qaraşada ötetının eske saldy.
Otyrysty Ūlytau oblysy äkımınıŋ orynbasary Ǧalymjan Qūsmanǧali aşty.
«Prezident Joldauynda barlyq maŋyzdy saiasi mäseleler aityldy. Halyqtan kelıp tüsken barlyq ūsynystar zerdelendı jäne eskerıldı. Memleket basşysynyŋ ūzaq merzımdı, strategiialyq bastamalary men reformalary ärbır qazaqstandyqtyŋ qatysuyn talap etedı, öitkenı azamattardyŋ erık bıldıruı Joldaudyŋ tiımdı ıske asyryluyna kepıl bolady», - dedı äkım orynbasary.
Jezqazǧan universitetınıŋ oqytuşy-professorlar qauymy men bılım aluşy jastary Prezident joldauyn yjdaǧatpen tyŋdap, onda aitylǧan saiasi reformalardyŋ jaŋa baǧdarlamasyn bırauyzdan qoldady. Būl turaly Ö.A. Baiqoŋyrov atyndaǧy Jezqazǧan universitetınıŋ Prezident-Rektory Äbdılmälık Täkışev mälımdedı:
«Joldauda Qazaqstan azamattarynyŋ ömır süru deŋgeiın arttyruǧa baǧyttalǧan negızgı mındetter atap ötıldı. Bılım beru sapasyn arttyruǧa da erekşe köŋıl bölınedı. Bılım beru granttaryn, oquǧa jeŋıldetılgen nesie bölu josparlanuda. Būl şaralar joǧary
bılımdı meilınşe qoljetımdı etedı, sondai-aq qoǧamdaǧy serıktestık pen özara jauapkerşılık ideologiiasyn nyǧaitady. JezU ūjymy Memleket basşysynyŋ Joldauynda aitylǧan jaŋa saiasi reformalardy jüzege asyruǧa belsendı qatysuǧa daiyn».
«Halyq pen bilıktıŋ arasyn jaqyndastyratyn osyndai alaŋdardy köbeitu kerek. Memleket basşysynyŋ halyqqa jaqyn boluǧa nietın bıldıretın bastamalaryn, qadamdaryn baiqap jürmız. Sol bastamalardy jüzege asyru üşın ülken küş, bıregeilık kerek. Bız osy Prezident reformalaryn qoldauǧa daiynbyz», - dedı «Joşy han» tarihi-mädeni keşenınıŋ mamany, QR Jazuşylar Odaǧynyŋ müşesı Ǧaziz Eştanaev.
QQDİ sarapşysy Oljas Beisenbaevtyŋ pıkırınşe, sailaudy aldyn ala, Jarlyqqa qol qoiǧanǧa deiın bır ai būryn jariialauy, Memleket basşysy bilık tek qoǧamdyq saiasatty ǧana emes, sonymen bırge «halyq ünıne qūlaq asatyn memleket» tūjyrymdamasyn jüzege asyratynyn körsettı:
«Bız mūny bilık pen qoǧamdy jaqyndastyruǧa baǧyttalǧan taǧy bır qadam retınde qabyldaimyz. Osy arqyly özara senımdı qarym-qatynas qalyptasady. Jyl basynan berı bilık ekonomikanyŋ är salasynda oligopoliia, äleumettık teŋsızdık ornaǧanyn da aşyq aityp keledı. Sonymen qosa aşyq aitylyp qana qoimai, ony talqylaudyŋ qoǧamdyq keŋes, Ūlttyq Qūryltai türındegı mehanizmderı ūsynylyp, Prezident Joldauynda bırqatar özektı mäselelerdıŋ şeşu joldary körınıs tapty. Biylǧy jaz ailarynda QQDİ ötkızgen eksperttık saualnamada mamandar äleumettık-ekonomikalyq bloktyŋ qoǧamdyq diskursta özektı ekenın eskergen edı».
Moderatordyŋ pıkırımen Qazaqstandyq qoǧamdyq damu institutynyŋ sarapşysy, saiasattanuşy Bauyrjan Serıkbaev ta kelıstı.
«23 qyrküiekte Qazaqstanda prezidenttıkke kandidattardy ūsynu bastaldy. Respublikalyq qoǧamdyq bırlestıkter men saiasi partiialardyŋ kandidattar ūsynuǧa jäne olardyŋ ügıt-nasihat jūmystaryn jürgızuge älı de uaqyty jetkılıktı», - dedı saiasattanuşy.
Sondai-aq Qazaqstanda saiasi reformalardy kezeŋ-kezeŋımen ıske asyratyn pragmatikalyq joldyŋ negızı qalanǧandyǧyn jäne osy jolda bastysy – memlekettılıktı küşeitıp, täuelsızdıgımızdı nyǧaityp, geosaiasi kürdelı kezeŋde elımızdı jaŋa saiasi, ekonomikalyq, äleumettık damu satysyna köteru ekendıgın atap öttı.



Ūqsas jaŋalyqtar



"Adyrna" ūlttyq portaly