Qazaqstandyqtar üşın memlekettık qyzmetter turaly aqparat alu endı yŋǧaily boldy. eGov AI – memlekettık qyzmetter boiynşa virtualdy assistent paida boldy. Būl turaly 2025 jylǧy 12 qyrküiekte "Ūlttyq aqparattyq tehnologiialar" AQ (NİT) baspasöz qyzmetı jariialady, dep habarlaidy “Adyrna”.
Aqparatqa säikes, chatqa sūraq qoisa jetkılıktı – eGov AI kezeŋ-kezeŋımen tüsındırıp beredı jäne qajet bolsa, tiıstı qyzmetke baǧyttaidy.
"eGov AI tek memlekettık qyzmetterge qatysty sūraqtar şeŋberınde jūmys ısteidı, resmi derekközder men özektı mälımetter bazasyna süienedı jäne berıletın aqparattyŋ däldıgı men senımdılıgın qamtamasyz etedı", – delıngen baspasöz qyzmetınde.
Aita keteiık, eGov AI – jasandy intellekt negızındegı virtualdy assistent.
Ol chat formatynda jūmys ısteidı – sūraq qoisaŋyz jetkılıktı, assistent qarapaiym tılmen ne ısteu keregın tüsındıredı jäne qajet bolsa, tıkelei tiıstı bölımge nemese qyzmetke baǧyttaidy.
eGov AI tek memlekettık qyzmetterge qatysty sūraqtarǧa arnalǧan. Jauaptar resmi derekközder men özektı mälımetter bazasyna süiene otyryp daiyndalady, būl olardyŋ däldıgı men senımdılıgın qamtamasyz etedı.
Dūrys sūraqtarǧa mysaldar:
- Kınäsızdık turaly anyqtamany qalai alu kerek?
- ESQ qalai alu kerek?
- Tūrǧylyqty jerı boiynşa tırkelu nūsqaulyǧy.
- eGov AI qandai sūraqtarǧa jauap bere almaidy?
- eGov AI memlekettık qyzmetterge qatysy joq sūraqtarǧa jauap bermeidı. Mysaly:
- Bügıngı jūldyz joramal qandai?
- Qarbyzdyŋ baǧasy qanşa?
- Qandai kölık satyp alǧan jön?
"Eger sūraǧyŋyz öŋdelmese jäne sız qanaǧattanarlyq jauap ala almasaŋyz, "Jauapty baǧalau" batyrmasyn basyp, pıkır qaldyruyŋyzdy sūraimyz. Chat jauaptaryn 1-den 5 jūldyzǧa deiın baǧalaŋyz. Botty paidalanu täjıribeŋızdı "Sızdıŋ pıkırıŋız" bölımınde sipattaŋyz", – dep Qazaqstandyqtardy şaqyrdy NİT baspasöz qyzmetı.
Būǧan deiın Qazaqstandyqtarǧa 2025 jylǧy 11 tamyzdan bastap elektrondyq sifrlyq qoltaŋba (ESQ) kıltterın tek onlain rejimde aluǧa bolatyny eskertılgen jäne video-nūsqaulyq körsetılgen.
