Tanymal reseilık telejürgızuşı Tina Kandelaki Qazaqstan jaily jazǧan jazbasynan keiın Qyrǧyzstandy synauǧa köştı. Atap aitqanda, orys tılınıŋ qyrǧyz elınde de şettetılıp jatqanyn tiek ettı. Alaida, būl joly jurnalist äleumettık jelılerden jazbasyn "jym" qylyp, tez şegıne jöneldı, dep habarlaidy "Adyrna" ūlttyq portaly.
«Qyrǧyzstanda da memlekettık deŋgeide orys tılın şettetıp jatyr. Bır jyldan astam uaqyttan berı qyrǧyz bilıgı Bışkektıŋ tört audanynyŋ ataularynyŋ özgeruı boiynşa jūmystar atqardy. Bärın qiyndatyp ne keregı bar?" dep jazdy Kandelaki.
Ol Qyrǧyzstandaǧy atlmyş jaittardy Ukrainanyŋ äreketterımen salystyrdy. Onda qalalar, köşeler jäne Keŋes ükımetımen jäne Reseige qatysty basqa da geografiialyq ataular özgertıldı. Sondai-aq, ol qyrǧyzdar
būl ısımen tarihtarynan aiyrylyp jatqanyn atap öttı.
Qazaqstandaǧydai, būl jazba da qyrǧyz halqynyŋ aşuyna tidı. Nätijesınde jurnalist jazbany joidy.
Būǧan deiın reseilık telejürgızuşı jäne prodiuser Tina Kandelaki Qazaqstannyŋ temırjol vokzaldarynyŋ atauyn özgertuıne qatysty syn aitty. Qazaqstandyq jurnalist Dinara Sätjan arandatuşylyq tudyrǧan jazbaǧa jauap berdı. Sodan keiın Kandelaki qazaqstandyqtardy Qaŋtar kezınde Reseidıŋ kömegıne jügındı dep, bır şulatty.
22 qaŋtarda Qazaqstan Respublikasy Syrtqy ıster ministrlıgınıŋ resmi ökılı Aibek Smadiiarov Kandelakidıŋ aitqandaryna qatysty turaly tüsınıkteme berdı.
«Memleket mūny eşqaşan keşırmeidı. Ol Qazaqstanǧa kelmeidı, kelse de, kırmeidı », - dedı ol.
Ūqsas jaŋalyqtar
