Vladivostok qalasynda ötıp jatqan XI Şyǧys ekonomikalyq forumy aiasynda Qazaqstands atom elektr stansiiasyn jobalau, jabdyqtau jäne salu jönındegı kelısımşartqa qol qoiyldy. Būl turaly bügın, 3 qyrküiekte Atom energiiasy jönındegı agenttık jazdy, dep habarlaidy «Adyrna» tılşısı.
Qūjatqa «Qazaqstan atom elektr stansiialary» JŞS men «Rosatom» memlekettık atom energiiasy korporasiiasynyŋ enşıles käsıporny – «Atomstroieksport» AQ qol qoiǧan.
Kelısımşartqa qol qoiu räsımı Atom energiiasy jönındegı agenttıgınıŋ töraǧasy Almasadam Sätqaliev pen «Rosatom» memlekettık korporasiiasynyŋ bas direktory Aleksei Lihachiovtyŋ qatysuymen ötken.
Kelısımşartqa qol qoiu Qazaqstandaǧy alǧaşqy AES qūrylysy jobasynyŋ jaŋa praktikalyq kezeŋge ötkenın bıldıredı. 2026 jylǧy 28 mamyrdaǧy ükımetaralyq kelısımge säikes, taraptar belgılengen räsımderdı, sonyŋ ışınde Qazaqstan Ükımetımen qajettı kelısudı jüzege asyruǧa kırısedı.
«AES jobasyn ıske asyru el üşın strategiialyq maŋyzǧa ie. Ekonomikanyŋ, önerkäsıptıŋ, infraqūrylymnyŋ, sifrlandyrudyŋ jäne jasandy intellektınıŋ damuyna bailanysty Qazaqstannyŋ senımdı ärı tūraqty elektr energiiasyna degen qajettılıgı kezeŋ-kezeŋımen arta tüsedı»,– delıngen habarlamada.
Esterıŋızge sala keteiık, elımızdegı alǧaşqy atom elektr stansiiasy Almaty oblysy Jambyl audanyndaǧy Ülken auyly maŋynda salynady. Oǧan «Balqaş» degen atau berılgen bolatyn. AES salu turaly şeşım 2024 jylǧy 6 qazanda ötken jalpyūlttyq referendumda qabyldanǧan.
