ۇلتتىق ەكونوميكا ءمينيسترى سەرىك جۇمانعارين Orda.kz پەن BES.media جۋرناليستەرىن «جىنعا» تەڭەدى، دەپ حابارلايدى "ادىرنا" ۇلتتىق پورتالى Orda.kz سايتىنا سىلتەپ.
ءماجىلىس دالىزىندە سەرىك جۇمانعارين بريفينگتەگى ءوز ارەكەتىنە قاتىستى باق ايتقان سىنعا جاۋاپ بەردى. ول Orda.kz پەن BES.media جۋرناليستەرىن «جىنعا» تەڭەپ، دوستوەۆسكيدىڭ رومانىن استارلاپ ايتا كەتتى.
«سىزدەردىڭ بۇقارالىق اقپارات قۇرالىڭىز قالاي اتالادى؟ «بەس»، ءيا؟ اتاۋى قىزىق ەكەن. بالكىم، ءميحايلوۆيچتىڭ رومانىنا بايلانىستى قويىلعان شىعار، ءيا؟ مىسالى سىزدەر دە جازىپ جۇرسىزدەر، «وردا» دا جازىپ ءجۇر. «ورداعا» جىندار كىرىپ كەتكەن سياقتى»، – دەپ ازىلدەدى مينيستر.
ايتا كەتسەك، 23 ماۋسىم كۇنى سەنات وتىرىسىنىڭ بريفينگىندە BES.media ءجۋرناليسى مينيسترلىكتىڭ مالىمەتى بويىنشا 200 ملرد تەڭگەدەن استام سالىقتى بيۋدجەتكە تولەمەگەن كومپانياعا قاتىستى سۇراق قويعان. سەرىك جۇمانعارين ول كومپانيانىڭ اتىن اتاۋدان باس تارتىپ، جۋرناليستەر ورتاسىنان مۇرنىن ءشۇيىرىپ ءوتىپ، زالدان شىعىپ كەتتى. ودان كەيىن قويىلعان قوسىمشا سۇراقتار دا جاۋاپسىز قالدى.
بۇعان دەيىن جوعارى شەندى شەنەۋنىك احقو كەسىرىنەن ميللياردتاعان سالىق تولەنبەيتىنىن ايتقان ەدى.
ء«بىز سالىقتى جوعالتىپ جاتىرمىز، ويتكەنى احقو قازاقستانداعى قانداي دا ءبىر قوسىمشا وففشورعا اينالۋى مۇمكىن. مەن ناقتى كاسىپورىنداردى اتاماي-اق قويايىن، بىراق سولاردىڭ ءبىرى باس كەڭسەسىن حولدينگ ارقىلى سول جەرگە كوشىرگەن. سونىڭ سالدارىنان ءبىز كتس پەن ققس سالىقتارىنان 200 ميللياردتان استام شىعىنعا ۇشىرادىق»،–دەدى ول.
