ۋكراينا پرەزيدەنتى ۆلاديمير زەلەنسكي ازەربايجان پرەزيدەنتى يلحام اليەۆكە تەلەفون سوقتى، دەپ حابارلايدى "ادىرنا" ۇلتتىق پورتالى.
ەكى جاقتى بايلانىس بارىسىندا زەلەنسكي ەكاتەرينبۋرگ قالاسىندا ازەربايجاندىقتارعا جاسالعان شابۋىل كەزىندە قازا تاپقان ازەربايجان ازاماتتارىنىڭ ولىمىنە بايلانىستى ۋكراين حالقى اتىنان كوڭىل ايتتى. اليەۆ بۇل ءسوز ءۇشىن العىسىن ءبىلدىردى.
سونداي-اق زەلەنسكي ازەربايجان تاراپىنا يراننان ۋكراينا ازاماتتارىن ەۆاكۋاتسيالاۋ بارىسىندا كورسەتكەن كومەگى ءۇشىن ريزاشىلىعىن جەتكىزدى.
كەلىسسوز بارىسىندا تاراپتار ەكى ەل اراسىنداعى ىنتىماقتاستىقتى دامىتۋ ماسەلەلەرىن، سونىڭ ىشىندە باكۋ قالاسىندا ۇكىمەتارالىق كوميسسيانىڭ جاقىن ارادا وتەتىن وتىرىسىن ۇيىمداستىرۋدى تالقىلادى.
ازەربايجان مەن ۋكراينا كوشباسشىلارى ءوزارا اۋماقتىق تۇتاستىق پەن ەگەمەندىكتى قولدايتىندارىن تاعى دا ناقتىلادى.
سونىمەن قاتار ۋكراينا پرەزيدەنتى ازەربايجاننىڭ ەلىنە كورسەتىپ جاتقان گۋمانيتارلىق كومەگى ءۇشىن ريزاشىلىعىن ءبىلدىردى. تاراپتار ەكىجاقتى سەرىكتەستىكتى ودان ءارى نىعايتۋعا نيەتتى ەكەنىن اتاپ ءوتتى.
