«ونەر ورتالىعىندا» وبلىس اكىمى نۇرلىبەك نالىباەۆتىڭ قاتىسۋىمەن سۋ، بالىق شارۋاشىلىعى، ۆەتەريناريا قىزمەتكەرلەرى كۇنىنە وراي سالتاناتتى شارا ءوتتى. وعان قر پارلامەنتى ءماجىلىسىنىڭ دەپۋتاتتارى مۇرات ەرگەشباەۆ، مۇرات ابەنوۆ، قۇقىق قورعاۋ ورگاندارىنىڭ باسشىلارى، زيالى قاۋىم وكىلدەرى مەن سالا قىزمەتكەرلەرى قاتىستى.
ايماق باسشىسى سۋ، بالىق، مال شارۋاشىلىعى جانە ۆەتەريناريا سالالارىندا اتقارىلعان جۇمىستاردى سارالاپ، جينالعان جۇرتشىلىقتى كاسىبي مەرەكەمەن قۇتتىقتادى.
«پرەزيدەنتىمىز قاسىم-جومارت كەمەلۇلى 2025 جىلدى «جۇمىسشى ماماندىقتارى جىلى» دەپ جاريالاپ، ء«بىز جۇمىسشى ماماندىقتارىن دارىپتەۋ ارقىلى قوعامدا ەڭبەكقور جانە ناعىز مامان بولۋ يدەياسىن ناسيحاتتايمىز!
ادال ءارى تاباندى ەڭبەگىمەن تابىسقا جەتكەن ادامدار قاشاندا قۇرمەتتى، سىيلى بولۋى كەرەك» دەدى. بۇل - ەكونوميكالىق تۇراقتىلىق پەن الەۋمەتتىك پروگرەستىڭ باستى فاكتورى رەتىندە جۇمىسشى كاسىپتەرىنىڭ ءرولىن كۇشەيتۋدەگى ستراتەگيالىق قادام.
كۇنى كەشە پرەزيدەنتىمىز قاسىم-جومارت كەمەلۇلى سۋ شارۋاشىلىعى قىزمەتكەرلەرىن اقوردادا قابىلداپ، مەملەكەتتىك ناگرادالار تابىستادى. سالتاناتتى قابىلداۋدا جەرلەستەرىمىز، سالا ارداگەرى سۇلتانبەك تاۋىپباەۆ «پاراسات» وردەنىمەن، «شيەلىسۋشار» وندىرىستىك ۋچاسكەسىنىڭ باسشىسى ديحان اۋباكىروۆ، «قىزىلوردا سۋ تورابى» وندىرىستىك ۋچاسكەسىنىڭ اعا ينجەنەر-گيدروتەحنيگى ماقسۇت وتەۋليەۆ «قۇرمەت» وردەنىمەن ناگرادتالدى. بۇل - ايماعىمىزداعى سۋ شارۋاشىلىعى سالاسىندا اتقارىلعان جۇمىستارعا بەرىلگەن جوعارى باعا.
الاشتىڭ اناسى اتانعان سىر ەلى ەڭبەگىمەن ەلگە سىيلى، ءومىر جولى جاس ۇرپاققا ونەگە بولعان ابزال دا ادال جاندارعا، ەڭبەك ادامدارىنا كەندە ەمەس. ءبىز ەڭبەككەرلەرگە لايىقتى قۇرمەت كورسەتىپ، عيبراتتى عۇمىرىن جاستارعا ۇلگى-ونەگە ەتۋدى داستۇرگە اينالدىرىپ كەلەمىز. بۇل - ءبىزدىڭ باستى پارىزىمىز»، - دەدى نۇرلىبەك ماشبەكۇلى.
سالتاناتتى شارادا «قۇرمەت» وردەنىمەن سۋ شارۋاشىلىعى سالاسىنىڭ ارداگەرى بەگەش جاقىپ، «ەرەن ەڭبەگى ءۇشىن» مەدالىمەن «قازالى سۋ تورابى» وندىرىستىك ۋچاسكەسىنىڭ باسشىسى بولات اسەرباەۆ ، «سۋ شارۋاشىلىعى سالاسىنىڭ ەڭبەك سىڭىرگەن قايراتكەرى» قۇرمەتتى اتاعىمەن ارداگەر ءادىلحان قارلىحانوۆ ماراپاتتالدى.
سالانىڭ دامۋىنا ەلەۋلى ۇلەس قوسقان بىرقاتار قىزمەتكەرگە قر پرەمەر-ءمينيسترىنىڭ العىس حاتى، «بالىق شارۋاشىلىعى سالاسىنا ەڭبەك سىڭىرگەن قىزمەتكەر» قۇرمەتتى اتاعى، «اۋىل شارۋاشىلىعى سالاسىنىڭ ۇزدىگى» توسبەلگىسى، «ەڭبەك ارداگەرى» مەدالى، «سۋ شارۋاشىلىعىنىڭ ارداگەرى» جانە «قازاقستان رەسپۋبليكاسى سۋ شارۋاشىلىعىنىڭ ۇزدىگى» توسبەلگىسى تابىستالدى.
سونىمەن قاتار، اۋىل شارۋاشىلىعى، سۋ رەسۋرستارى جانە يرريگاتسيا مينيسترلەرىنىڭ قۇرمەت گراموتاسى مەن العىس حاتى، وبلىس اكىمىنىڭ العىس حاتى تابىس ەتىلدى.
ءىس-شارادا 42 قىزمەتتىك اۆتوكولىك پەن 65 ارنايى تەحنيكانىڭ كىلتى اتالعان سالالاردىڭ مەكەمەلەرىنە بەرىلدى.
