2024 جىلعى قاڭتاردان بەرى قر مادەنيەت جانە اقپارات مينيسترلىگىنە قاراستى اقپارات كوميتەتىن باسقارعان مەيىرلان راحانوۆ قىزمەتىنەن بوساتىلدى. بۇل تۋرالى بۇگىن، 2025 جىلعى 1 تامىزدا، قر ۇكىمەتىنىڭ ءباسپاسوز قىزمەتى مالىمدەدى، دەپ حابارلايدى "ادىرنا".
"قازاقستان رەسپۋبليكاسىنىڭ مادەنيەت جانە اقپارات ءمينيسترىنىڭ بۇيرىعىمەن راحانوۆ مەيىرلان اقىلبەكۇلى اقپارات كوميتەتىنىڭ توراعاسى قىزمەتىنەن بوساتىلدى", - دەلىنگەن primeminister.kz سايتىندا جاريالانعان حابارلامادا.
مەيىرلان راحانوۆ 1988 جىلى قاراعاندى وبلىسىندا دۇنيەگە كەلگەن. قازتۇتىنۋوداعى قاراعاندى ەكونوميكالىق ۋنيۆەرسيتەتىن اياقتاعان.
ەڭبەك جولىن 2011 جىلى قاراعاندى اكىمدىگىنىڭ ىشكى ساياسات بولىمىندە باستاعان. 2012 جىلى قاراعاندى وبلىستىق سالىق باسقارماسىندا جەتەكشى مامان، كەيىن 2012–2013 جىلدارى قاراعاندى وبلىسى اكىمدىگى ىشكى ساياسات باسقارماسىندا باس مامان بولىپ قىزمەت اتقاردى.
2013-2016 جىلدارى قر اقپارات كوميتەتىنىڭ باسپا باق باسقارماسىندا ساراپشى، باس ساراپشى بولدى. 2016-2021 جىلدارى قر پرەزيدەنتى ءباسپاسوز قىزمەتىندە ساراپشى، كەڭەسشى، ينسپەكتور قىزمەتتەرىن اتقاردى. 2021 جىلدىڭ شىلدەسىنەن 2023 جىلدىڭ جەلتوقسانىنا دەيىن پرەزيدەنتتىڭ ءباسپاسوز قىزمەتىندە سەكتور مەڭگەرۋشىسى بولدى.
2024 جىلعى قاڭتاردا مەيىرلان راحانوۆ قر مادەنيەت جانە اقپارات مينيسترلىگى اقپارات كوميتەتىنىڭ توراعاسى قىزمەتىنە تاعايىندالعان ەدى.
